ଭୁବନେଶ୍ବର: ରାଜ୍ୟ ସରକାରଙ୍କ ପକ୍ଷରୁ ବାତ୍ୟା ୟସ ପାଇଁ ୨୫ରୁ୨୭ ପର୍ଯ୍ୟନ୍ତ ଟିକାକରଣ ଓ ଟେଷ୍ଟିଂ ବନ୍ଦ କରାଯାଇଛି। ସେହିପରି ଘରକୁ ଘର ବୁଲି ହେବାକୁ ଥିବା ସର୍ଭେ କାର୍ଯ୍ୟ ମଧ୍ୟ ବନ୍ଦ ରଖାଯାଇଛି। ଆଜି ରାଜ୍ୟ ସରକାରଙ୍କ ପକ୍ଷରୁ ବାତ୍ୟା ସମୟରେ ଅଧିକ ପ୍ରଭାବିତ ହେବାକୁ ଥିବା ବାଲେଶ୍ବର, ଭଦ୍ରକ ଓ ମୟୂରଭଞ୍ଜ ଜିଲାରେ କରେନାା ଟିକାକରଣ ଓ କୋଭିଡ ଟେଷ୍ଟିଂ ବନ୍ଦ ରଖାଯାଇଛି। ତେବେ କେନ୍ଦ୍ରାପଡ଼ା, ଜଗତସିଂହପୁର ଓ କେନ୍ଦୁଝର ଜିଲା ପାଇଁ ଜିଲାପାଳମାନେ ନିଷ୍ପତ୍ତି ନେଇପାରିବେ ବୋଲି କୁହାଯାଇଛି।
ସେହିପରି ବାତ୍ୟାରେ ସର୍ବାଧିକ ପ୍ରଭାବିତ ହେବାକୁ ଥିବା ବାଲେଶ୍ବର ଓ ଭଦ୍ରକ ଜିଲାକୁ ୨୮ଜଣ ଡାକ୍ତର ପଠାଯାଇଛି। ସେଥିମଧ୍ୟରୁ ୮ଜଣ ପୋଷ୍ଟ ପିଜି ଡାକ୍ତର ଓ ୨୦ଜଣ ଇଣ୍ଟର୍ନ ଡାକ୍ତର ରହିଛନ୍ତି। ବାତ୍ୟାବେଳେ କୋଭିଡ ପରିଚାଳନା ପାଇଁ ଏହି ଡାକ୍ତରମାନେ କାର୍ଯ୍ୟ କରିବେ ବୋଲି କୁହାଯାଇଛି।
