ଭୁବନେଶ୍ୱରରେ କୋଭିଡ ରୋଗୀଙ୍କ ପାଇଁ ମାଗଣା ଆମ୍ବୁଲାନ୍ସ ସେବା ଶୁଭାରମ୍ଭ କଲା ଏସଓଏସ ଶିଶୁ ଗ୍ରାମ

ଭୁବନେଶ୍ୱର:ଭାରତର ସର୍ବବୃହତ୍ ଶିଶୁ ଯତ୍ନ ଏନଜିଓ ଏସଓଏସ ଶିଶୁ ଗ୍ରାମ ପ୍ରଚଳିତ ପରିସ୍ଥିତିକୁ ଦୃଷ୍ଟିରେ ରଖି କେବଳ କୋଭିଡ ରୋଗୀମାନଙ୍କୁ ଜରୁରୀକାଳୀନ ଡାକ୍ତରଖାନାରେ ଭର୍ତି ପାଇଁ ୨୪ ଘଣ୍ଟିଆ ଆମ୍ବୁଲାନ୍ସ ସେବାର ଶୁଭାରମ୍ଭ କରିଛି।

ଏହି ଆମ୍ବୁଲାନ୍ସ ସେବା ସହର ଓ ଖୋର୍ଦ୍ଧା ଜିଲାର ଲୋକଙ୍କ ପାଇଁ ବହୁତ ସହାୟକ ହେବ। ଏହି ସେବା ଦ୍ୱାରା ମଧ୍ୟ ଭୁବନେଶ୍ୱର ମହାନଗର ନିଗମକୁ ବହୁତ ସହଯୋଗ ମିଳିପାରିବ। ବେଳେ ବେଳେ ଗୁରୁତର କୋଭିଡଙ୍କୁ ହସ୍ପିଟାଲକୁ ନେବା ସମୟରେ ସମସ୍ୟା ଦେଖା ଦେଉଥିବା ହେତୁ ଏହି ସେବା ମାଧ୍ୟମରେ ରୋଗୀମାନଙ୍କୁ ସଠିକ ସମୟରେ ହସପିଟାଲକୁ ସ୍ଥାନାନ୍ତରିତ କରାଯାଇପାରିବ। ଏଥିପାଇଁ ଯୋଗାଯୋଗ କରିବାର ନମ୍ବର ହେଉଛି : ୯୯୩୮୩୫୪୩୦୬ / ୯୯୩୭୨୮୭୧୬୦

ମାଗଣା ଆମ୍ବୁଲାନସ ସେବା ସମ୍ପର୍କରେ ସୂଚନା ପ୍ରଦାନ କରି ଭାରତର ଏସଓଏସ ଶିଶୁଗ୍ରାମର ସେକ୍ରେଟାରୀ ଜେନେରାଲ ସୁମନ୍ତ କର କହିଛନ୍ତି ଯେ, ମହାମାରୀର ଦ୍ୱିତୀୟ ଲହରୀ ସମୟରେ ସାରା ଦେଶ ସ୍ୱାସ୍ଥ୍ୟ ଯତ୍ନ କ୍ଷେତ୍ର ଅନେକ ଆହ୍ୱାନର ସମ୍ମୁଖୀନ ହେଉଛି। କୋଭିଡ ସଂକ୍ରମଣ ସଂଖ୍ୟା ହଠାତ୍ ବୃଦ୍ଧି ହେବା ଦ୍ୱାରା ସ୍ୱାସ୍ଥ୍ୟ ଭିତି ଉପରେ ଏହାର ଚାପ ଦେଖାଦେଇଛି। ଭୁବନେଶ୍ୱରର ସ୍ଥିତି ମଧ୍ୟ ଏଥିରୁ ଭିନ୍ନ ନୁହେଁ। ରାଜ୍ୟ ସରକାରଙ୍କ ଦ୍ୱାରା ଗ୍ରହଣ କରାଯାଇଥିବା ଉଲ୍ଲେଖନୀୟ କାର୍ଯ୍ୟଗୁଡ଼ିକୁ ସହଯୋଗ କରିବା ପାଇଁ ତଥା ମହାନଗର ନିଗମକୁ ସହାୟତା କରିବା ପାଇଁ ଆମେ ସହରରେ ମାଗଣା ଆମ୍ବୁଲାନ୍ସ ସେବାର ଶୁଭାରମ୍ଭ କରିଛୁ।