ନବରଙ୍ଗପୁର : ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ୯ନମ୍ବର ୱାର୍ଡ କଣ୍ଟେଣ୍ଟମେଣ୍ଟ ଜୋନରେ ପାନୀୟ ଜଳ ପାଇବାରେ ବହୁ ସମସ୍ୟାର ସମ୍ମୁଖୀନ ହେବାକୁ ପଡୁଛି ବୋଲି ଅଞ୍ଚଳବାସୀ ଅଭିଯୋଗ କରିଛନ୍ତି। ମୈଦଲପୁର ୯ନମ୍ବର ୱାର୍ଡ ର ୩୫ରୁ ଉର୍ଦ୍ଧ୍ବ ଲୋକ କରୋନା ଆକ୍ରାନ୍ତ ହେବା ପରେ ପ୍ରଶାସନ ପକ୍ଷରୁ ସେହି ୱାର୍ଡ କୁ କଣ୍ଟେଣ୍ଟମେଣ୍ଟ ଜୋନ ଭାବେ ଘୋଷଣା କରାଯାଇଅଛି । ଏହି ୯ନମ୍ବର ୱାର୍ଡ ରେ ୫୦ ରୁ ଉର୍ଦ୍ଧ୍ବ ପରିବାର ରହୁଥିବା ବେଳେ ଏହି ୱାର୍ଡରେ ମାତ୍ର ଦୁଇଟି ନଳକୂପ ରହିଛି । ଦୁଇଟି ନଳକୂପ ଭିତରୁ ଗୋଟିଏ ଅଚଳ ହୋଇ ରହିଛି । ଯାହାଫଳରେ ୱାର୍ଡ ବାସୀ ଗୋଟିଏ ନଳକୂପ ଉପରେ ଭରସା କରି ଚଳିବାକୁ ପଡିଛି ।
ଅନ୍ୟପକ୍ଷେ ଆଜକୁ ପ୍ରାୟ ୫ ଦିନ ଦିନ ହେବ ଗ୍ରାମ୍ୟ ପାନୀୟ ଜଳ ଯୋଗାଣ ମଧ୍ୟ ବନ୍ଦ ହୋଇଯାଇଛି । ଯାହାଫଳରେ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଗୋଟିଏ ନଳକୂପରୁ ଲୋକେ ଠିକ ରୂପେ ପାଣି ପାରୁ ନ ଥିବାରୁ ଅନ୍ୟ ୱାର୍ଡ ର ବୋରିଙ୍ଗ କୁ ପାଣି ଆଣିବାକୁ ଗଲେ ସେହି ସାହି ଏବଂ ନଳକୂପ ଆଖ ପାଖ ଲୋକ ସେମାନଙ୍କୁ କରୋନା ସଂକ୍ରମିତ ହୋଇଥିବାରୁ ପାଣି ନେବାକୁ ମନା କରିବାସହ ଘଉଡ଼ାଉଛନ୍ତି ବୋଲି ସ୍ଥାନୀୟ ସାହି ବାସିନ୍ଦା ଅଭିଯୋଗ କରିଛନ୍ତି । ବର୍ତମାନ ଏହି ୱାର୍ଡ ରେ ଅଧିକାଂଶ ଲୋକେ କରୋନା ରେ ଆକ୍ରାନ୍ତ ହୋଇଥିବା ବେଳେ ଏମାନଙ୍କୁ ପିଇବା ପାଣି ଯୋଗାଇ ଦେବାପାଇଁ ସ୍ଥାନୀୟ ସରପଞ୍ଚ ଏବଂ ବିଭାଗୀୟ ଯନ୍ତ୍ରୀ ଙ୍କୁ ଅନୁରୋଧ କରିବା ପରେ ବି କୌଣସି ପଦକ୍ଷେପ ନ ନେବାରୁ ସ୍ଥାନୀୟ ସାହି ବାସିନ୍ଦା ରାସ୍ତା ଉପରକୁ ଆସି ପାଟିତୁଣ୍ଡ କରିବା ସହ ଜିଲ୍ଲାପାଳ ଙ୍କୁ ଏ ବିଷୟରେ ଅବଗତ କରାଇବା ପାଇଁ ସ୍ଥାନୀୟ ସାମ୍ବାଦିକ ମାନଙ୍କୁ କହିଥିଲେ । କିଛି ସମୟ ପାଇଁ ସେଠାରେ ଉତେଜନା ଦେଖିବାକୁ ମିଳିଥିଲା । ଯଦି ଆସନ୍ତା କାଲି ସୁଦ୍ଧା ସେମାନଙ୍କ ସମସ୍ୟାର ସମାଧାନ ନ ହୁଏ ତାହେଲେ ରାସ୍ତା କୁ ଓହ୍ଲାଇବା ପାଇଁ ସାହିର ଉତେଜିତ ଲୋକେ ଚେତାବନୀ ଦେଇଛନ୍ତି ।
Comments are closed.