ନବରଙ୍ଗପୁର, ପାପଡାହାଣ୍ଡି,: ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ଗ୍ରାମର ଜଣେ ଯୁବକ କୋଭିଡ ଆକ୍ରାନ୍ତରେ ମୃତ୍ୟୁ ବରଣ କରିଥିଲା। କରୋନା ସଂକ୍ରମଣ ଭୟ ଆଶଙ୍କାରେ ଯୁବକଙ୍କ ଶବକୁ ତାଙ୍କ ପରିବାର ଲୋକେ ନ ଛୁଇଁ ନ ଥିଲେ। ଫଳରେ ଖବର ପାଇ ସେଠାରେ ମେଡିକାଲ ପ୍ରସାଶନ ପହଞ୍ଚି ଆସି ଶବସତ୍କାର କରିଥିଲେ। ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଅଛି ମୈଦାଲପୁର ଗ୍ରାମରେ।
ସୂଚନା ମୁତାବକ ମୈଦଲପୁର ପଞ୍ଚାୟତ ମୈଦଲପୁର ଗ୍ରାମର କମର୍ଲ ସାହିର ନରେନ୍ଦ୍ର କମଲ ସ୍ତ୍ରୀଙ୍କ ସହ ଗତ ୬ ତାରିଖରେ ଛତିଶଗଡରେ ରହୁଥିବା ନିଜ ଶ୍ବଶୁର ଘରକୁ ଯାଇଥିଲେ, ସେଠାରେ ବାପଘରେ ସ୍ତ୍ରୀକୁ ଛାଡି ନରେନ୍ଦ୍ର ୮ ତାରିଖରେ ମୈଦଲପୁର ଘରକୁ ଏକୁଟିଆ ଫେରିଥିଲେ। ଏହାପରେ ସେ ଜ୍ୱରରେ ପୀଡ଼ିତ ହେବାରୁ ତାଙ୍ଥିକର କୋଭିଡ ପରୀକ୍ଷା କରାଯାଇଥିଲା। ସେ କରୋନା ସଂକ୍ରମିତ ବୋଲି ଜଣାପଡିବା ପରେ ସ୍ଥାନୀୟ ସରପଞ୍ଚଙ୍କ ପରାମର୍ଶ କ୍ରମେ ସଙ୍ଗରୋଧରେ ରହିଥିଲେ। ହଠାତ ତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ପରିବାର ଲୋକେ ଆମ୍ବୁଲାନ୍ସକୁ ଫୋନ କରିଥିଲେ । ଆମ୍ବୁଲାନ୍ସ ଆସିବା ପୂର୍ବରୁ ନରେନ୍ଦ୍ରଙ୍କ ମୃତ୍ୟୁ ହୋଇଯାଇଥିଲା। ନରେନ୍ଦ୍ରଙ୍କ ମୃତ୍ୟୁପରେ ପରିବାର ଲୋକେ ଶବକୁ ନଛୁଇଁ ନ ଥିଲେ। ଖବରବାଇ ପାପଡାହାଣ୍ଡି ମେଡିକାଲ ପ୍ରଶାସନ ମୈଦଲପୁରକୁ ଆସିଥିଲେ। ପିପିଇ କିଟ ପରିଧାନ କରି ଶବ ସତ୍କାର କରିଥିଲେ।
