ନୂଆଦିଲ୍ଲୀ : କୋଭିଡ-୧୯ ଟିକାଦାନ କ୍ଷେତ୍ରରେ ଭାରତ ଏକ ଉଲ୍ଲେଖନୀୟ ସଫଳତା ହାସଲ କରିଛି। ଟିକାକରଣର ମାତ୍ର ୫୦ ଦିନ ମଧ୍ୟରେ ଦୁଇକୋଟିରୁ ଊର୍ଦ୍ଧ୍ବ ଲୋକଙ୍କୁ ଟିକାଦାନ କରାଯାଇଛି। ଗତ ୨୪ଘଣ୍ଟା ମଧ୍ୟରେ ୧୪ ଲକ୍ଷ ୨୪ ହଜାର ୬୯୩ ହିତାଧିକାରୀଙ୍କୁ ଏହି ଟିକା ଦିଆଯାଇଛି। ଏହାକୁ ମିଶାଇ ଆଜି ସକାଳ ସୁଦ୍ଧା ୨ କୋଟି ୯ଲକ୍ଷ ୨୨ହଜାର ୩୪୪ ଲୋକଙ୍କୁ କୋଭିଡ ପ୍ରତିଷେଧକ ଟିକା ଦିଆଯାଇଛି। ଆଜି ହେଉଛି ଟିକାଦାନର ୫୧ତମ ଦିବସ।
ଗତ ଜାନୁଆରୀ ୧୬ ତାରିଖରୁ ଦେଶରେ ପ୍ରଥମେ ସ୍ୱାସ୍ଥ୍ୟକର୍ମୀଙ୍କୁ ଏହି ପ୍ରତିଷେଧକ ଟିକା ପ୍ରଦାନ କରାଯିବା ଆରମ୍ଭ ହୋଇଥିଲା। ସେହିଭଳି ଫେବୃୟାରୀ ୨ ତାରିଖରେ ଆଗଧାଡିର କରୋନା ଯୋଦ୍ଧାଙ୍କୁ ଟିକା ଦିଆଯିବା ପରେ ଚଳିତ ମାସ ପହିଲାରୁ ଦେଶବ୍ୟାପୀ ୬୦ବର୍ଷରୁ ଊର୍ଦ୍ଧ୍ବ ବୟସ୍କ ଓ ନାନାବିଧ ରୋଗଥିବା ୪୫ବର୍ଷରୁ ଊର୍ଦ୍ଧ୍ବ ବୟସର ଲୋକଙ୍କୁ ଏହି ପର୍ଯ୍ୟାୟରେ ପ୍ରତିଷେଧକ ଦିଆଯାଉଛି। ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଚଳିତ ପର୍ଯ୍ୟାୟର ଗତ ୬ ଦିନ ମଧ୍ୟରେ ଦେଶବ୍ୟାପୀ ୬୦ବର୍ଷରୁ ଊର୍ଦ୍ଧ୍ବ ପ୍ରାୟ ୩୦ଲକ୍ଷ ବରିଷ୍ଠ ନାଗରିକ
ଏବଂ ବିବିଧ ରୋଗଥିବା ୪୫ବର୍ଷରୁ ଊର୍ଦ୍ଧ୍ବ ପ୍ରାୟ ୪ଲକ୍ଷ ୬୦ହଜାର ଲୋକଙ୍କୁ କୋଭିଡ ନାଇଣ୍ଟିନ୍ ଟିକା ପ୍ରଦାନ କରାଯାଇଛି।
Comments are closed.