ତେଜପତ୍ରର ବ୍ୟବହାର କେବଳ ଖାଦ୍ୟରେ ବ୍ୟବହାରରେ ସୀମିତ ନୁହେଁ। ବହୁ ଲୋକେ ହୁଏତ ଏହାର ଅନ୍ୟ ବ୍ୟବହାର ବିଷୟରେ ଜାଣିଥିବେ। ଆପଣ ଜାଣି ଆଶ୍ଚର୍ଯ୍ୟ ହେବେ ତେଜପତ୍ରର ବ୍ୟବହାର ତ୍ୱଚା , କେଶ ପାଇଁ ମଧ୍ୟ କରିପାରିବେ। ଜାଣନ୍ତୁ ଏହାର ବ୍ୟବହାର ବିଷୟରେ……
ତ୍ୱଚାରେ ଥିବା ଦାଗ,ବ୍ରଣ ଦୂର ପାଇଁ ତେଜପତ୍ର ଖୁବ ଲାଭଦାୟକ। ତେଜପତ୍ରକୁ ପେଷି ଏହାର ମିଶ୍ରଣକୁ ମୁହଁରେ ଲଗାଇବା ସହ ତେଜପତ୍ରକୁ ପାଣିରେ ପକାଇ ଫୁଟାଇ, ଏହି ପାଣିକୁ ଥଣ୍ଡା କରି ମୁହଁ ଧୁଅନ୍ତୁ। ଏହା ଖୁବ ଲାଭଦାୟକ।
ଏହା ମୁହଁର ସନ୍ ଟ୍ୟାନ ମଧ୍ୟ ଦୂର କରିଥାଏ। ତ୍ୱଚାର ରଙ୍ଗ ମଧ୍ୟ ଗୋରା ହୋଇଥାଏ।
କେଶକୁ ନରମ, ରେଶମୀ ଓ ଚମକ ବୃଦ୍ଧି ପାଇଁ ତେଜପତ୍ରର ବ୍ୟବହାର କରନ୍ତୁ। ଆପଣ ନିଜ ଇଚ୍ଛା ଅନୁଯାୟୀ , ଏହାକୁ ତେଲରେ ପକାଇ କିଛି ଘଣ୍ଟା ରଖିବା ପରେ ବ୍ୟବହାର କରିପାରିବେ। ତେଜପତ୍ରକୁ ପାଣିରେ ପକାଇ ଫୁଟାଇ, ଏହି ପାଣିକୁ ଥଣ୍ଡା କରି କେଶ ଧୋଇ ପାରିବେ।
ତେଜପତ୍ରକୁ ପେଷି ଏହାକୁ ଦହିରେ ମିଶାଇ କେଶରେ ଲଗାନ୍ତୁ। ଏହାଦ୍ୱାରା କେଶର ଶୁଷ୍କପଣ ଦୂର ହୋଇଥାଏ। କେଶ ସୁସ୍ଥ ମଧ୍ୟ ରହିଥାଏ।
ତେଜପତ୍ରକୁ ଶୁଖାଇ ଗୁଣ୍ଡ କରି ଏହାକୁ ଦାନ୍ତ ଘଷିବାରେ ବ୍ୟବହାର କରନ୍ତୁ। ଏହାଦ୍ୱାରା ଦାନ୍ତ ସଫା ସହ ଏହାର ଚମକ ବୃଦ୍ଧି ପାଇଥାଏ।
Comments are closed.