ସୁପରହିଟ୍ ଫିଲ୍ମ ‘ପଦ୍ମାବତ୍’ରେ ଅଭିନୟ ପାଇଁ ଦୀପିକା-ରଣବୀର ନୁହେଁ ବରଂ ଏହି ଯୋଡିଙ୍କୁ ସଞ୍ଜୟ ଲୀଲା ଭଂସାଲି ପ୍ରଥମେ ପସନ୍ଦ କରିଥିଲେ । କିନ୍ତୁ ପରବର୍ତ୍ତୀ ସମୟରେ ସେ ନିଜର ନିଷ୍ପତ୍ତି ପରିବର୍ତ୍ତନ କରିଥିଲେ । ଏକ ସାକ୍ଷାତକାରରେ ଐଶ୍ବର୍ଯ୍ୟା ଏହି ରହସ୍ୟର ପର୍ଦ୍ଦା ଉଠାଇଛନ୍ତି ।
ସଞ୍ଜୟ ଲୀଲା ଭଂସାଲିଙ୍କ ସହ ପୁର୍ନବାର ଐଶ୍ବର୍ଯ୍ୟା କାମ କରିବାକୁ ଚାହିଁବେ କି ? ସାମ୍ବାଦିକଙ୍କ ଏହି ପ୍ରଶ୍ନର ଉତ୍ତର ଦେଇ ଐଶ୍ବର୍ଯ୍ୟା କହିଛନ୍ତି, ‘ବାଜିରାଓ ମସ୍ତାନୀ’ ଫିଲ୍ମରେ ଏକ ସାଙ୍ଗରେ କାମ କରିବାକୁ ସୁଯାଗ ମିଳିଥିଲା, କିନ୍ତୁ ପ୍ରଯୋଜକ ସଂସ୍ଥ ପକ୍ଷରୁ ମୋ ପାଇଁ ବାଜିରାଓ ଖୋଜି ପାରି ନଥିଲେ ।
ସେହିପରି ‘ପଦ୍ମାବତ’ ଫିଲ୍ମରେ ଭଂସାଲି ଐଶ୍ବର୍ଯ୍ୟାଙ୍କୁ ନେବାକୁ ଚାହୁଁଥିଲେ । ହେଲେ ଭଂସାଲି ଐଶ୍ବର୍ଯ୍ୟାଙ୍କ ହିସାବରେ ଖିଲଜି ଭୂମିକାରେ ଅଭିନୟ କରିବା ପାଇଁ ଯୋଗ୍ୟ କଳାକାର ପସନ୍ଦ ପାରି ନଥିଲେ। ଏହି କାରଣରୁ ଐଶ୍ବର୍ଯ୍ୟାଙ୍କ ପରିବର୍ତ୍ତେ ଦୀପକଙ୍କୁ ସୁଯୋଗ ମିଳିଥିଲା।
ପ୍ରକାଶ ଯେ ‘ପଦ୍ମାବତ୍’ ଫିଲ୍ମରେ ଦୀପିକା ରାଣୀ ପଦ୍ମାବତୀ ଭୂମିକାରେ ଏବଂ ରଣବୀର ଆଲାଦିନ ଖିଲଜି ଭୂମିକାରେ ଅଭିନୟ କରିଥିଲେ । ଐଶ୍ବର୍ଯ୍ୟା ଓ ସଞ୍ଜୟ ଲୀଲା ଭଂସାଲି ‘ଦେବଦାସ’ , ‘ହାମ ଦିଲ୍ ଦେ ଚୁକେ ସାନମ୍’ ଓ ‘ଗୁଜାରିଶ’ ଭଳି ହିଟ୍ ଫିଲ୍ମ ଦେଇଥିବା ବେଳେ ‘ବାଜିରାଓ ମସ୍ତାନୀ’ ଓ ‘ପଦ୍ମାବତ୍’ରେ ଭଂସାଲିଙ୍କ ପ୍ରଥମ ପସନ୍ଦ ଐଶ୍ବର୍ଯ୍ୟା ଥିଲେ । ଖବର ଅନୁଯାୟୀ, ନିର୍ଦେଶକ ଭଂସାଲି ଐଶ୍ବର୍ଯ୍ୟା ଓ ସଲମାନଙ୍କୁ ନେଇ ‘ପଦ୍ମାବତ୍’ ସୁଟ୍ କରିବାକୁ ଚାହୁଁଥିଲେ ।
