ମୁମ୍ବଇ : ଶୁକ୍ରବାର ରିଲିଜ୍ ହୋଇଛି ‘ଐଶ୍ୱର୍ଯ୍ୟା ରାୟ’ଙ୍କ ଅଭିନୀତ ଚଳଚ୍ଚିତ୍ର ‘ଫନେ ଖାନ୍’। ପ୍ରାୟ ଦୁଇବର୍ଷ ପରେ ଐଶ୍ୱର୍ଯ୍ୟା ଏହି ଚଳଚ୍ଚିତ୍ର ମାଧ୍ୟମରେ ବଲିଉଡ୍କୁ ପ୍ରତ୍ୟାବର୍ତ୍ତନ କରିଛନ୍ତି। ଚଳଚ୍ଚିତ୍ର ରିଲିଜ୍ ହେବା ମାତ୍ରେ ‘ଅଭିଷେକ ବଚ୍ଚନ’ ଏହି ଚଳଚ୍ଚିତ୍ରକୁ ଦେଖିଛନ୍ତି ଏବଂ ଚଳଚ୍ଚିତ୍ରରେ ଅଭିନୟ କରିଥିବା ସମସ୍ତ କଳାକାରଙ୍କର ପ୍ରଶଂସା କରିବା ସହ ନିଜ ପତ୍ନୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କର ମଧ୍ୟ ପ୍ରଶଂସା କରିଛନ୍ତି। ‘ଅଭିଷେକ’ ଚଳଚ୍ଚିତ୍ର ଦେଖିବା ପରେ ନିଜ ଟ୍ୱିଟର ଆକାଉଣ୍ଟ୍ରେ ଲେଖିଛନ୍ତି – ‘ଏବେ ମୁଁ ଚଳଚ୍ଚିତ୍ର ‘ଫନେ ଖାନ୍’ ଦେଖି ଆସିଲି। ଏହି ଚଳଚ୍ଚିତ୍ରଟି ବହୁତ ସୁନ୍ଦର ହୋଇଛି, ଏହା ଆଜିର ସମାଜକୁ ଭଲ ବାର୍ତ୍ତା ଦେଇଛି। ଏହା ସହିତ ନିଜ ପତ୍ନୀଙ୍କୁ ପ୍ରଶଂସା କରି ଲେଖିଛନ୍ତି-ମୋ ପତ୍ନୀ ଐଶ୍ୱର୍ଯ୍ୟା ଏଥିରେ ଭଲ ଅଭିନୟ କରିଛନ୍ତି। ସେ ସବୁବେଳେ ମୋର ପ୍ରିୟପାତ୍ର ରହି ଆସିଛନ୍ତି। ତାଙ୍କୁ ମୋର ଅନେକ ଅନେକ ଶୁଭ କାମନା।
