ନୂଆଦିଲ୍ଲୀ : ୨୦୧୮-୧୯ ଆର୍ଥିକ ବର୍ଷ ସ୍ୱଚ୍ଛ ଭାରତ ଅଭିଯାନ (ଗ୍ରାମୀଣ) ପାଇଁ ପ୍ରାୟ ୧୫ ହଜାର କୋଟି ଟଙ୍କାର ଅତିରିକ୍ତ ବଜେଟ ଆବଣ୍ଟନ ପ୍ରସ୍ତାବକୁ କ୍ୟାବିନେଟ ଅନୁମୋଦନ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ନିମ୍ନଲିଖିତ ପ୍ରସ୍ତାବକୁ ମଞ୍ଜୁରି ଦେଇଛନ୍ତି ।
କ) ୨୦୧୮-୧୯ ଆର୍ଥିକ ବର୍ଷରେ ନାବାର୍ଡ ଜରିଆରେ ସ୍ୱଚ୍ଛ ଭାରତ ଅଭିଯାନ (ଗ୍ରାମୀଣ) (ଏସବିଏମ-ଜି) ଲାଗି ଅତିରିକ୍ତ ବଜେଟ ସମ୍ବଳ (ଇଭିଆର) (ସମ୍ପୂର୍ଣ୍ଣ ଭାବେ ସରକାରୀ ସେବା ବଣ୍ଡ) ଆକାରରେ ୧୫ ହଜାର କୋଟି ଟଙ୍କା ପର୍ଯ୍ୟନ୍ତ ପାଣ୍ଠି ବୃଦ୍ଧି କରାଯିବ ।
ଖ) ଅନ୍ତର୍ଜାତୀୟ ପାନୀୟ ଜଳ ଗୁଣବତ୍ତା କେନ୍ଦ୍ର ନାମକ ସୋସାଇଟି କାର୍ଯ୍ୟ ସମ୍ପ୍ରସାରଣକୁ ଅଧିକୃତ କରିବା, ଏସବିଏମ (ଜି) ନିମନ୍ତେ ଇଭିଆର ପାଣ୍ଠି ପାଇବା, ରାଜ୍ୟ/କେନ୍ଦ୍ର ଶାସିତ ପ୍ରଦେଶର ଏଜେନ୍ସିଗୁଡ଼ିକ ଲାଗି ଆବଂଟନ ଏବଂ ଏହାର ପୁନଃପରିଶୋଧ କରାଯିବ ।
ଗ) ‘ଅନ୍ତର୍ଜାତୀୟ ପାନୀୟ ଜଳ ଗୁଣବତ୍ତା କେନ୍ଦ୍ର’ର ନାମ ବଦଳାଇ ‘ରାଷ୍ଟ୍ରୀୟ ପାନୀୟ ଜଳ, ସ୍ୱଚ୍ଛତା ଏବଂ ଗୁଣବତ୍ତା କେନ୍ଦ୍ର’ କରାଯିବ ।
ପ୍ରଭାବ :
ଏହି ନିଷ୍ପତ୍ତି ଦ୍ୱାରା ସ୍ୱଚ୍ଛ ଭାରତ ମିଶନ (ଗ୍ରାମୀଣ) ଏବଂ ଏସଏଲଡବ୍ଲୁଏମ ଗତିବିଧି ଲାଗି ଗ୍ରାମ ପଂଚାୟତ ଅନ୍ତର୍ଗତ ଲାଭ ପାଇବାବ ଲାଗି ଯୋଗ୍ୟ ପାଖାପାଖି ୧.୫ କୋଟି ଗ୍ରାମୀଣ ଘରକୁ ଫାଇଦା ହେବ ।
ସାରା ଦେଶରେ ଗ୍ରାମଗୁଡ଼ିକୁ ଖୋଲା ମଳମୁକ୍ତ ମାନ୍ୟତା ପାଇବା ଏବଂ ଏହାକୁ ବଜାୟ ରଖିବା ଲାଗି ପାଣ୍ଠିର ଉପଯୋଗ କରାଯିବ ।
ଜଡ଼ିତ ଖର୍ଚ୍ଚ :
ନିର୍ଦ୍ଧାରିତ ସର୍ତ୍ତ ଅନୁଯାୟୀ ଋଣ ଆବଣ୍ଟନର ତାରିଖଠାରୁ ୧୦ ବର୍ଷର ଶେଷ ପର୍ଯ୍ୟନ୍ତ ଏକାକୀ ପରିଶୋଧ ରୂପରେ ନାବାର୍ଡକୁ ୧୫ ହଜାର କୋଟି ଟଙ୍କାର ଋଣ ପୁନଃ ପଇଠ କରାଯିବ ।
ରାଜ୍ୟ/କେନ୍ଦ୍ର ଶାସିତ ପ୍ରଦେଶର ବାସ୍ତବିକ ଆବଶ୍ୟକତା/ଖର୍ଚ୍ଚ ଉପରେ ବିଚାର କରିବା ପରେ ନାବାର୍ଡ ଜରିଆରେ ଇଭିଆର ପାଣ୍ଠିକୁ ବୃଦ୍ଧି କରାଯିବ ଏବଂ ରାଜ୍ୟ/କେନ୍ଦ୍ର ଶାସିତ ପ୍ରଦେଶର କାର୍ଯ୍ୟ ସଂସ୍ଥାଗୁଡ଼ିକୁ ଜାରି କରାଯିବ । ଏସବିଏମ (ଜି) ଲାଗି ପାଣ୍ଠି ହାସଲ କରିବା ସମ୍ପର୍କରେ ରାଜ୍ୟ/କେନ୍ଦ୍ର ଶାସିତ ପ୍ରଦେଶଗୁଡ଼ିକର କାର୍ଯ୍ୟକାରୀ ସଂସ୍ଥାଗୁଡ଼ିକୁ ଏହାର ଆବଂଟନ ଏବଂ ଋଣ ଏବଂ ସୁଧ ଦରର ପୁନଃପରିଶୋଧ ସମ୍ବନ୍ଧରେ ଜାତୀୟ ପାନୀୟ ଜଳ, ସ୍ୱଚ୍ଛତା ଏବଂ ଗୁଣବତ୍ତା କେନ୍ଦ୍ର ପ୍ରାପ୍ତକର୍ତା ଏଜେନ୍ସି ଭାବେ କାର୍ଯ୍ୟ କରିବ ।
ଏହିପରି ନିର୍ଦ୍ଧାରିତ ସମୟ ସମୀ ଭିତରେ ଏସବିଏମ (ଜି)ର ଲକ୍ଷ୍ୟ ପ୍ରାପ୍ତି ସମ୍ପର୍କରେ ରାଜ୍ୟ/କେନ୍ଦ୍ର ଶାସିତ ପ୍ରଦେଶ ଲାଗି ନିର୍ଦ୍ଧାରିତ ସମୟରେ ଉଚିତ ପାଣ୍ଠି ପ୍ରଦାନ କରିବାରେ ସହାୟତା ମିଳିବ ।