ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରତିରକ୍ଷା ସଚିବ ମାର୍କ ଏସପରଙ୍କୁ ବରଖାସ୍ତ କରିଛନ୍ତି। ଟ୍ୱିଟରରେ ଏହା ଘୋଷଣା କରି ଟ୍ରମ୍ପ କହିଛନ୍ତି ଯେ ଜାତୀୟ ଆତଙ୍କବାଦ ନିରୋଧୀ କେନ୍ଦ୍ରର ନିର୍ଦ୍ଦେଶକ ଖ୍ରୀଷ୍ଟୋଫର ମିଲର ତୁରନ୍ତ କାର୍ଯ୍ୟକାରୀ ପ୍ରତିରକ୍ଷା ସଚିବ ଦାୟିତ୍ୱ ଗ୍ରହଣ କରିବେ। ରାଷ୍ଟ୍ରପତି ତାଙ୍କ ଟ୍ୱିଟ୍ରେ କହିଛନ୍ତି ଯେ ଖ୍ରୀଷ୍ଟୋଫର ମିଲର ବହୁତ ଭଲ କାମ କରିବେ। ସେ ମାର୍କ ଏସପରଙ୍କୁ ତାଙ୍କ ସେବା ପାଇଁ ଧନ୍ୟବାଦ ଜଣାଇ ଟ୍ରମ୍ପ କହିଛନ୍ତି ଯେ ତାଙ୍କୁ ବରଖାସ୍ତ କରାଯାଇଛି।
I am pleased to announce that Christopher C. Miller, the highly respected Director of the National Counterterrorism Center (unanimously confirmed by the Senate), will be Acting Secretary of Defense, effective immediately..
— Donald J. Trump (@realDonaldTrump) November 9, 2020
ରାଷ୍ଟ୍ରପତି ଟ୍ରମ୍ପ ବର୍ତ୍ତମାନ ସୁଦ୍ଧା ନବ ନିର୍ବାଚିତ ଜୋ ବାଇଡେନଙ୍କୁ ଆମେରିକାର ରାଷ୍ଟ୍ରପତି ଭାବେ ସ୍ୱୀକାର କରିନାହାଁନ୍ତି ଏବଂ କୋର୍ଟରେ ନିର୍ବାଚନ ଫଳାଫଳକୁ ଚ୍ୟାଲେଞ୍ଜ କରିବେ ବୋଲି କହିଛନ୍ତି। ଆସନ୍ତା ଜାନୁଆରୀ ୨୦ରେ ନବ ନିର୍ବାଚିତ ବାଇଡେନ କାର୍ଯ୍ୟଭାର ଗ୍ରହଣ କରିବା ପର୍ଯ୍ୟନ୍ତ ଟ୍ରମ୍ପ ଯେ କୌଣସି ନିଷ୍ପତ୍ତି ନେଇପାରିବେ।
