ନୂଆଦିଲ୍ଲୀ : ଅର୍ନ୍ତଜାତୀୟ ବଜାରରେ ପେଟ୍ରୋଲ ଏବଂ ଡିଜେଲ ଦର ହ୍ରାସ ପାଇଛି । ଭାରତରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ସୋମବାରରେ ଉଭୟ ପେଟ୍ରୋଲ ଓ ଡିଜେଲ ଦର କମିଛି । ଇଣ୍ଡିଆନ ଅଏଲ କମ୍ପାନୀ(ଆଇଓସିଏଲ୍) ର କହିବା ମୁତାବକ ଦେଶର ରାଜଧାନୀ ନୂଆଦିଲ୍ଲୀ ଠାରେ ପେଟ୍ରୋଲ ଲିଟର ପିଛା ୭୬.୩୦ ଟଙ୍କା ରହିଛି। ରବିବାର ତୁଳନାରେ ପେଟ୍ରୋଲ ଦରରେ ୭ ପଇସା କମିବା ଦେଖିବାକୁ ମିଳିଛି। ସେହିପରି ପେଟ୍ରୋଲ ଲିଟର ପିଛା ମୁମ୍ବଇରେ ୮୩.୭୫, କୋଲକତାରେ ୭୯.୧୫ ଓ ଚେନ୍ନଇରେ ୭୯.୨୫ ଟଙ୍କା ରହିଛି।
ସେହିପରି ଦେଶର ରାଜଧାନୀ ଦିଲ୍ଲୀରେ ଡିଜେଲ ଲିଟର ପିଛା ୬୭.୮୯, କୋଲକତାରେ ୭୦.୫୬, ମୁମ୍ବଇରେ ୭୨.୦୭ ଏବଂ ଚେନ୍ନଇ ଠାରେ ୭୧.୭୦ ଟଙ୍କା ରହିଛି।
