ନିମାପଡ଼ା: ବନ୍ୟାରେ ପ୍ରଭାବିତ ହୋଇଥିବା ପୁରୀ ଜିଲା ବାମନାଳ ପଞ୍ଚାୟତରେ ନିମାପଡାର ସାମାଜିକ ସଙ୍ଗଠନ ଯୁବ ବିକାଶା ପରିଷଦ ବନ୍ୟା ବିପନ୍ନଙ୍କୁ ସହାୟତାର ହାତ ବଢାଇଛନ୍ତି। ଉକ୍ତ ସଙ୍ଗଠନ ପକ୍ଷରୁ ଭୂତୁପଦା ଗ୍ରାମର ବନ୍ୟା ବିପନ୍ନଙ୍କୁ ଶୁଖିଲା ଖାଦ୍ୟ ଏବଂ ଅନ୍ୟାନ୍ୟ ରିଲିଫ ସାମଗ୍ରୀ ବଣ୍ଟନ କରାଯାଇଛି। ଗ୍ରାମର ୧୦୦ଟି ପରିବାର ପାଇଁ ଚୁଡା, ମିକ୍ସର , ବିସ୍କୁଟ, ମଶା ଧୂପ, ଶୁଦ୍ଧ ପାନୀୟ ଜଳ ଆଦି ପ୍ରଦାନ କରାଯାଇଛି। ରିଲିଫ ସାମଗ୍ରୀ ପ୍ରଦାନ ସମୟରେ କୋଭିଡ ଗାଇଡଲାଇନ ପାଳନ କରାଯାଇଛ । ଏହି କାର୍ଯ୍ୟକ୍ରମରେ ବ୍ରହ୍ମାନନ୍ଦ ସାହୁ, ଚନ୍ଦ୍ରକାନ୍ତ ବରାଳ, ବିଜୟ କୁମାର ଦାସ, ଅରିଜିତ ପ୍ରଧାନ, ଅଜିତ କୁମାର ସାହୁ, ଜ୍ୟୋତି ରଞ୍ଜନ ନାୟକ, ପ୍ରଦ୍ୟୁମ୍ନ ଯାଦବ, ଆଦର୍ଶ ଦାଶ ପ୍ରମୁଖ ଯୋଗଦେଇଥିଲେ। ସେହିପରି ଆଗାମୀ ଦିନରେ ବିଭିନ୍ନ ବନ୍ୟା କ୍ଷତିଗ୍ରସ୍ତ ଗ୍ରାମକୁ ଯାଇ ରିଲିଫ ସାମଗ୍ରୀ ପ୍ରଦାନ କରାଯିବ ବୋଲି ଯୁବ ବିକାଶ ପରିଷଦର ସଭାପତି ନିରଞ୍ଜନ ସାହୁ କହିଛନ୍ତି ।
Popular Categories
Previous article
Next article