ଶକ୍ତିଶାଳୀ ବିସ୍ଫୋରଣରେ ଧ୍ଵସ୍ତବିଧ୍ଵସ୍ତ ବେରୁତ ସହର, ଦେଖନ୍ତୁ ଭିଡିଓ

ବେରୁତ: ଏକ ଶକ୍ତିଶାଳୀ ବିସ୍ଫୋରଣ ଲେବାନନ୍‌ର ରାଜଧାନୀ ବେରୁତ ସହରକୁ ଧ୍ଵସ୍ତବିଧ୍ଵସ୍ତ କରିଦେଇଛି। ଅନେକ ସୁଉଚ୍ଚ ଅଟାଳିକା, ଶପିଂ ମଲ୍‌ ଭାଙ୍ଗି ମାଟିରେ ମିଶିଯାଇଛି। ସହରର ଶୋଭାବର୍ଦ୍ଧନ କରୁଥିବା ସୁନ୍ଦର ଅଟାଳିକାଗୁଡ଼ିକ ଏବେ ଜରାଜୀର୍ଣ୍ଣ ଦିଶୁଛି। ବିସ୍ଫୋରଣ ସ୍ଥଳରୁ ପ୍ରାୟ ୧୦ କିଲୋମିଟର ଦୂର ପର୍ଯ୍ୟନ୍ତ ଅଞ୍ଚଳ କ୍ଷତିଗ୍ରସ୍ତ ହୋଇଛି। ମଙ୍ଗଳବାର ସନ୍ଧ୍ୟାରେ ଘଟିଥିବା ଏହି ବିସ୍ଫୋରଣ ଯୋଗୁ ୭୩ରୁ ଅଧିକ ଲୋକଙ୍କ ଜୀବନହାନି ଘଟିଥିବାବେଳେ ୩ଲକ୍ଷରୁ ଊର୍ଦ୍ଧ୍ଵ ଲୋକ ବାସହରା ହୋଇପଡ଼ିଛନ୍ତି।

“It is a catastrophe, I’ve never seen something like that.”

Lebanon is in a state of emergency following a massive explosion in Beirut that killed at least 100 people and injured thousands.

Follow our LIVE coverage on the #BeirutBlast: https://t.co/8qEDq3qL5R pic.twitter.com/kSrpNt4oGf

— Al Jazeera English (@AJEnglish) August 5, 2020

ଏହି ବିସ୍ଫୋରଣ ଏକ ଛୋଟ ପରମାଣୁ ବୋମା ବିସ୍ଫୋରଣ ଭଳି ବୋଲି ବିଶେଷଜ୍ଞମାନେ କହୁଛନ୍ତି। ତେବେ ଏହା ଏକ ଦୁର୍ଘଟଣା କି ଆତଙ୍କବାଦୀଙ୍କ ଷଡ଼ଯନ୍ତ୍ର ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ହଜାର ହଜାର ଲୋକ ଏହି ବିସ୍ଫୋରଣରେ ଆହତ ହୋଇଛନ୍ତି। ହସ୍ପିଟାଲଗୁଡ଼ିକ ଭାଙ୍ଗିରୁଜି ଯାଇଥିବାରୁ ଆହତଙ୍କୁ ଚିକିତ୍ସା କରାଯାଇପାରୁ ନାହିଁ। ଯେଉଁ କେକେତ ହସ୍ପିଟାଲ କାର୍ଯ୍ୟ କରୁଛି ସେଠାରେ ରୋଗୀଙ୍କୁ ରଖିବାକୁ ସ୍ଥାନ ନାହିଁ। ବୈଜ୍ଞାନିକଙ୍କ କହିବା ଅନୁସାରେ ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଏହା ପରେ ସହରରେ ୪.୫ ତୀବ୍ରତାର ଭୂକମ୍ପ ଅନୁଭୂତ ହୋଇଥିଲା।

ଯେଉଁ ସ୍ଥାନରେ ବିସ୍ଫୋରଣ ଘଟିଲା ସେଠାରେ ୨୭୫୦ ଟନ୍‌ ଆମୋନିୟମ ନାଇଟ୍ରେଟ୍‌ ରଖାଯାଇଥିଲା। ଏହା ଏକ ଛୋଟ ପରମାଣୁ ବୋମା ବିସ୍ଫୋରଣ ସଦୃଶ ବୋଲି ବୈଜ୍ଞାନିକମାନେ କହିଛନ୍ତି। ବିସ୍ଫୋରଣ ଯୋଗୁ ମାଇଲ୍‌ ମାଇଲ୍‌ ଦୂର ପର୍ଯ୍ୟନ୍ତ କୋଠା ଭୁଶୁଡ଼ି ପଡ଼ିବା ସହିତ କାଚ କବାଟ ଓ ଝରକା ଭାଙ୍ଗିଯିବାରୁ ବହୁ ଲୋକ ଆହତ ହୋଇଛନ୍ତି।