ମୁମ୍ବଇ : ଚଳିତ ବର୍ଷ ଅନେକ ବଲିଉଡ଼୍ ତାରକାଙ୍କ ଦେହାନ୍ତ ହୋଇଛି। ନିକଟରେ ଇରଫାନ ଖାନ୍ ଏବଂ ପରେ ରିଷି କପୁରଙ୍କ ପରେ ଏବେ ବଲିଉଡ଼ର ଜଣାଶୁଣା ସାଉଣ୍ଡ ରେକର୍ଡ଼ିଷ୍ଟ ଧୀରଜ ଲାଲ ଭନସାଲୀଙ୍କର ବୁଧବାର ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୯୪ବର୍ଷ ବୟସ ହୋଇଥିଲା। ଏଭଳି ସ୍ଥିତିରେ କୋକିଳ କଣ୍ଠି ଲତା ମଙ୍ଗେଶକର ତାଙ୍କୁ ସ୍ମରଣ କରି ସୋସିଆଲ ମିଡିଆରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
ଲତା ଟ୍ବିଟ୍ କରି ଲେଖିଛନ୍ତି, ’ଆମ ଇଣ୍ଡଷ୍ଟ୍ରିର ସବୁଠାରୁ ପ୍ରସିଦ୍ଧ ସାଉଣ୍ଡ ରେକର୍ଡ଼ିଷ୍ଟ ଧୀରଜ ଲାଲ ଭନସାଲୀଙ୍କ ଦେହାନ୍ତ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ। ସେ ମୋର ଅନେକ ଚଳଚ୍ଚିତ୍ରରେ ଗୀତ ରେକର୍ଡ କରିଥିଲେ। ସେ ବହୁତ ଭଲ ରେକର୍ଡିଷ୍ଟ ଏବଂ ଜଣେ ଭଲ ମଣିଷ ମଧ୍ୟ ଥିଲେ। ଆମର ବହୁତ ଭଲ ସମ୍ପର୍କ ଥିଲା। ତାଙ୍କର ଅମର ଆତ୍ମାକୁ ଶାନ୍ତି ମିଳୁ। ଲତାଙ୍କ ଟ୍ୱିଟରେ ଅନ୍ୟ ପ୍ରଶଂସକମାନେ ମଧ୍ୟ ଧୀରଜଲାଲ ଭନସାଲୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
Hamari Industry ke bahut mashhoor sound recordist D O Bhansali ji ka aaj nidhan hua ye sunke mujhe bahut dukh hua.Unhone mere kai film songs record kiye. Wo bahut acche recordist the. Minoo Katrak ji,jinhe hum Minoo baba kehete the unke wo assistant the.
— Lata Mangeshkar (@mangeshkarlata) May 4, 2020
ଉଲ୍ଲେଖ ଯୋଗ୍ୟ, ପୂର୍ବରୁ ରିଷି କପୁରଙ୍କ ଦେହାନ୍ତରେ ମଧ୍ୟ ଲତା ମଙ୍ଗେଶକର ଭାବପ୍ରବଣ ହୋଇ ସୋସିଆଲ ମିଡିଆରେ ଅଭିନେତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଲତା ରିଷି କପୁରଙ୍କ ପିଲାଦିନର ଏକ ଫଟୋ ଚିତ୍ର ମଧ୍ୟ ସୋସିଆଲ ମିଡିଆରେ ସେୟାର କରିଥିଲେ, ଯାହାକୁ ପ୍ରଶଂସକମାନେ ବେସ୍ ଭଲପାଇବା ଦେଇଥିଲେ।
