ଢେଙ୍କାନାଳ : ବାଣ ବିସ୍ଫୋରଣରେ ଚାଲିଯାଇଛି ଦୁଇ ନାବାଳକଙ୍କ ଜୀବନ । ଏପରି ଏକ ଅଭାବନୀୟ ଘଟଣା ଘଟିଛି ଢ଼େଙ୍କାନାଳ ସ୍ଥିତ ତୁମୁସିଙ୍ଗା ଥାନା ଅର୍ନ୍ତଗତ ସୋଗର ଗାଁରେ । ଉକ୍ତ ଗାଁର ସରୋଜ କୁମାରଙ୍କ ଘରେ ହଠାତ ନିଆଁ ଲାଗିଯାଇଥିଲା । ନିଆଁ ଲାଗିବା ଫଳରେ ଘରେ ଥିବା ବାଣ ଗୁଡିକ ବିସ୍ଫୋରଣ ହୋଇଥିଲା । ବାଣ ବିସ୍ଫୋରଣ ଫଳରେ ଘରର ଛାତ ଭୁସୁଡି ପଡିଥିଲା । ଘରର ଛାତ ତଳେ ଚାପିହୋଇ ରହିଯାଇଥିଲେ ୩ ଜଣ ନାବାଳକ । ଗ୍ରାମବାସୀ ଓ ଅଗ୍ନିଶମ ବାହିନୀ ଭୁସୁଡି ପଡିଥିବା ଛାତତଳୁ ୩ ଶିଶୁଙ୍କୁ ଉଦ୍ଧାର କରିଥିଲେ । ଉଦ୍ଧାର ଶିଶୁଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । କିନ୍ତୁ ସେଠାରେ ଦୁଇ ଜଣ ନାବାଳକଙ୍କ ମୃତ୍ୟୁ ବରଣ କରିଥିବା ଜଣାପଡିଛି। ମୃତ୍ୟୁ ବରଣ କରିଥିବା ଦୁଇ ନାବାଳକଙ୍କ ବୟସ ଯଥାକ୍ରମେ ୬ ଓ ୮ ବର୍ଷ ହୋଇଥିବା ଜଣାପଡିଛି ।
କାମାକ୍ଷାନଗର ଅଗ୍ନିଶମ ବାହିନୀ ପକ୍ଷରୁ ନିଆଁକୁ ଆୟତ କରିବାକୁ ଉଦ୍ୟମ କରୁଥିବା ବେଳେ ଭୁସୁଡିଥିବା ଛାତତଳେ ଆଉ କେହି ଚାପିହୋଇଥିବା ଅନୁମାନ କରାଯାଉଛି । କାମାକ୍ଷାନଗର ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି।
