ଆରଡି : ମହାମାରୀ କରୋନା ସାରା ବିଶ୍ୱରେ କାୟାବିସ୍ତାର କରିବା ସହ ଦିନକୁଦିନ ଆକ୍ରାନ୍ତ ଓ ମୃତକଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ସେହିପରି ଗତ କିଛିଦିନ ହେବ ଭଦ୍ରକ ଜିଲାକୁ ପଡୋଶୀ ରାଜ୍ୟ ପଶ୍ଚିମବଙ୍ଗରୁ ଫେରିଥିବା କେତେକ ପ୍ରବାସୀ ଓଡିଆଙ୍କ ନିକଟରେ ମହମାରୀ କରୋନା ଲକ୍ଷଣ ଦେଖା ଦେବା ଫଳରେ ସହତ୍ସାଧିକ ଲୋକଙ୍କର ରକ୍ତ ନମୁନା ପଠାଯାଇଥିଲା। ମଙ୍ଗଳବାର ସୁଦ୍ଧା ୧୮ଜଣ କରୋନାରେ ଆକ୍ରାନ୍ତ ହୋଇଥିବା ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଏହାକୁ ନେଇ ଚାନ୍ଦବାଲି ବ୍ଲକ ଆରଡି ପଞ୍ଚାୟତରେ କିପରି ଭାବେ କରୋନା ମୁକାବିଲା କରାଯିବ ମଙ୍ଗଳବାର କରୋନା ମୁକାବିଲାର ନୋଡାଲ ଅଫିସର ଭାବେ ଦାୟିତ୍ୱ ଭାର ନେଇଥିବା ଆଖଣ୍ଡଳମଣି ନୋଡାଲ ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ପ୍ରଶାନ୍ତ ଜେନାଙ୍କ ଅଧ୍ୟକ୍ଷତାରେ ଆରଡି ପଞ୍ଚାୟତ କାର୍ଯ୍ୟାଳୟ ପରିସରରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ଆରଡି ସରପଞ୍ଚ ଅରବିନ୍ଦ ପାଢୀ, ଆରଡି ଫାଣ୍ଡି ଅଧିକାରୀ ପ୍ରଦୀପ ନାୟକଙ୍କ ସହ ସମସ୍ତ ୱାଡମେମ୍ବର, ଅଙ୍ଗନବାଡି କର୍ମୀ, ଆଶାକର୍ମୀ ଓ କେତେକ ବୁଦ୍ଧିଜିବୀ ଉପସ୍ଥିତ ଥିଲେ। ଉକ୍ତ ବୈଠକରେ ପଞ୍ଚାୟତରେ କିପରି ଭାବେ କରୋନ ମୁକାବିଲା କରାଯିବ ସେଥିପାଇଁ ଏକ ବ୍ଲୁ-ପ୍ରିଣ୍ଟ ପ୍ରସ୍ତୁତ କରାଯାଇଥିଲା। ବିଶେଷକରି ବାହାର ରାଜ୍ୟରୁ ଆସିବାକୁ ଥିବା ଶତାଧିକ ଲୋକମାନଙ୍କ ପାଇଁ କ୍ୱାରେନ୍ଣ୍ଟାଇନ ସେଣ୍ଟର ପ୍ରସ୍ତୁତ ରଖିବା, ଏପରିକି ସେମାନଙ୍କର ଖାଦ୍ୟପେୟର ଯତ୍ନ ନେବା ଆଦି ସମ୍ବନ୍ଧରେ ବିସ୍ତୃତ ଭାବେ ଆଲୋଚନା କରାଯିବା ସହିତ ସଫଳ କାର୍ଯ୍ୟକାରିତା ନେଇ ଏକ କମିଟି ଗଠନ କରାଯାଇଥିଲା। ସେହିପରି ଯଦି କୌଣସି ଲୋକ ନିକଟରେ କରୋନା ସଂକ୍ରମଣ ଦେଖା ଦେଲା ସେଥିପାଇଁ କିଛି ବ୍ୟସ୍ତତା ନହୋଇ ତାଙ୍କୁ କିପରି ଭାବେ କୋଭିଡ ହସ୍ପିଟାଲକୁ ନିଆଯିବ ସେଥିପାଇଁ ସମସ୍ତ ପ୍ରକାର ବ୍ୟବସ୍ଥା କରିବାକୁ ନୋଡାଲ ଅଫିସର ପରାମର୍ଶ ଦେଇଥିଲେ।
Comments are closed.