ସମାଜ ପୋର୍ଟାଲ ଡେସ୍କ: ଆସନ୍ତାକାଲି ଆନ୍ତର୍ଜାତିକ ମହିଳା ଦିବସ ଅବସରରେ ନିଜ ସାମାଜିକ ଗଣମାଧ୍ୟମ ଆକାଉଣ୍ଟରେ ପ୍ରେରଣାଦାୟୀ ମହିଳାଙ୍କ କାହାଣୀ ସ୍ଥାନିତ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିବା ପରେ ଓ ସି ଇନ୍ସପାୟାର୍ସ ଅସ ଅଭିଯାନ ଆରମ୍ଭ କରିବା ପରେ ବହୁ ସଂଖ୍ୟାରେ ମତାମତ ଓ କାହାଣୀମାନ ସ୍ଥାନିତ ହେବାରେ ଲାଗିଛି।
ଗୁରୁବାର ଦିନ ଆରମ୍ଭ ହୋଇଥିବା ଏହି ଅଭିଯାନକୁ ବହୁ ସଂଖ୍ୟାରେ ସମର୍ଥନ ମିଳୁଛି। ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା, ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ଏବଂ ରେଳମନ୍ତ୍ରୀ ପୀୟୁଷ ଗୋୟଲଙ୍କ ସମେତ ବିଭିନ୍ନ ବର୍ଗର ବ୍ୟକ୍ତି #SheInspiresUS ହ୍ୟାସ ଟ୍ୟାଗରେ ଟ୍ୱିଟ୍ କରିଛନ୍ତି। ଏଥିରେ ଭାରତୀୟ ସେନା ଏବଂ କେନ୍ଦ୍ରୀୟ ରେଳବାଇ ଅନେକ କାହାଣୀ ସ୍ଥାନିତ କରିଛନ୍ତି। ସାଧାରଣ ଲୋକମାନେ ସେମାନଙ୍କୁ ବାସ୍ତବ ପରିସ୍ଥିତିରେ ପ୍ରେରଣା ଯୋଗାଇଥିବା ମହିଳାମାନଙ୍କ କାହାଣୀ ମଧ୍ୟ ସେୟାର କରିଛନ୍ତି। ଏଥିରେ ପ୍ରଧାନମନ୍ତ୍ରୀ ମୋଦୀ ପଚାରିଛନ୍ତି ଯେ ଗତକାଲି ଆମକୁ କିଏ ପ୍ରେରଣା ଦେଇଛି। ମୋଦୀ କହିଛନ୍ତି,’ଆଜି ମୁଁ ଗର୍ବର ସହିତ କହୁଛି ଏବଂ ପ୍ରଶଂସା କରୁଛି ଯେ ନିତିନ କୌଲ ଶକ୍ତି ଓ ସାହସର ପ୍ରକୃତ ଉଦାହରଣ ଯିଏ ମହିଳାଙ୍କ ଶକ୍ତି ଅସୀମ ବୋଲି ଦର୍ଶାଇଛି।”
ଉତ୍ତରପ୍ରଦେଶର ଚନ୍ଦ୍ର ତୋମାରଙ୍କ ପ୍ରସଙ୍ଗ ଅବତାରଣା କରି ମୋଦୀ କହିଛନ୍ତି ଯେ, ତୋମାର ଅଧିକାଂଶ ସମୟ ନିଜ ଗାଁର ଯୁବକ ଯୁବତୀଙ୍କୁ ତାଲିମ ଦେଉଛନ୍ତି। ସେ ଗାଁର ଝିଅମାନଙ୍କ ପାଇଁ ଏତେ ବଡ଼ ପ୍ରେରଣା ପାଲଟିଛନ୍ତି ଯେ କେବଳ ତାଙ୍କ ଶବ୍ଦ ଦ୍ୱାରା ନୁହେଁ ବରଂ ତାଙ୍କ କାର୍ଯ୍ୟ ଦ୍ୱାରା ସେମାନଙ୍କୁ ଉତ୍ସାହିତ କରନ୍ତି ବୋଲି ଅନ୍ୟ ଜଣେ ଟୁଇଟ୍ କରିଛନ୍ତି। ଏଥିରେ ମନ୍ତ୍ରୀ ରବି ଶଙ୍କର ପ୍ରସାଦ ଗ୍ରାମ ସ୍ତରର ଉଦ୍ୟୋଗୀ ନିଲୋଫର ଖାନଙ୍କ କାହାଣୀ କହିଛନ୍ତି ଯେଉଁଥିରେ ସେ ନିଲୋଫରଙ୍କ ସଂଖ୍ୟାଲଘୁମାନଙ୍କ ମଧ୍ୟରେ ଡିଜିଟାଲ ସାକ୍ଷରତା ତଥା ଗ୍ରାମବାସୀଙ୍କୁ ତାଲିମ ଦେବା କ୍ଷେତ୍ରରେ ତାଙ୍କର କାର୍ଯ୍ୟକୁ ପ୍ରଶଂସା କରିଛନ୍ତି।
