ବାଲେଶ୍ବର : ବାଲେଶ୍ବର ଜିଲା ଶିଙ୍ଗାଖୁଣ୍ଟା ଅଞ୍ଚଳରେ ବୁଧବାର ରାତିରେ ଜଣେ ଗର୍ଭବତୀ ମହିଳାଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ସୂଚନା ଅନୁସାରେ, ଜଣେ ୭ ମାସର ଗର୍ଭବତୀ ଦୁଇ ନଣନ୍ଦଙ୍କୁ ଧରି ଘରେ ଶୋଇଥିଲେ। ଶାଶୁ ଓ ଶ୍ବଶୁର ବାହାରକୁ ଯାଇଥିଲେ। ପୂର୍ବ ଶତ୍ରୁତାକୁ କେନ୍ଦ୍ର କରି ଗାଁର ୨୨ ବର୍ଷିୟ ଯୁବକ କମ୍ପାଉଣ୍ଡର ନାୟକ ଗର୍ଭବତୀ ମହିଳାଙ୍କୁ ଘରୁ ଉଠାଇନେଇ ଦୁର୍ଷ୍କମ କରିବା ସହିତ ମାଡ଼ ମାରିଥିଲା। ରାତିରେ ମହିଳାଙ୍କୁ ପରିବାର ଲୋକେ ଉଦ୍ଧାର କରିବାକୁ ଯିବାରୁ ଅଭିଯୁକ୍ତ ମାରଣାସ୍ତ୍ରରେ ଆକ୍ରମଣ କରିବାକୁ ଧମକ ଦେଇଥିଲା। ଭୟରେ ପୀଡ଼ିତାଙ୍କ ପରିବାର ଲୋକେ ଫେରି ଆସି ପରେ ଗ୍ରାମବାସୀଙ୍କ ସହାୟତାରେ ପୀଡ଼ିତାଙ୍କୁ ଉଦ୍ଧାର କରିବା ସହ ସୋର ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଆଧାର କରି ପୁଲିସ ମାମଲା ରୁଜୁ କରି ତଦନ୍ତ କରୁଛି।
Popular Categories
Previous article
Next article