ନୂଆଦିଲ୍ଲୀ : କେରୁଙ୍ଗ ସୀମା ପଥ ଦେଇ କୈଳାସ ମାନସରୋବର ଯାତ୍ରା କରୁଥିବା ୭ ତୀର୍ଥଯାତ୍ରୀଙ୍କ ଅମ୍ଳଜାନସ୍ତର କମିବା କାରଣରୁ ମୃତ୍ୟୁ ଘଟିଛି। ହୁମ୍ଲାର ଉପଜିଲାପାଳ କହିଛନ୍ତି ଯେ ମୃତ ତୀର୍ଥଯାତ୍ରୀଙ୍କ ଶବକୁ ସେମାନଙ୍କ ପୈତୃକ ନିବାସକୁ ପଠାଇ ଦିଆଯାଇଛି।
ହୁମ୍ଲା ଇନ୍ସପେକ୍ଟର ହରିହର ଖଡ଼କାଙ୍କ କହିବା ଅନୁସାରେ ସୁମିତ୍ରା ରେଡ୍ଡୀ ଓ ଅନ୍ୟ ୬ ଦକ୍ଷିଣ ଭାରତୀୟ ତୀର୍ଥଯାତ୍ରୀ ହିଲ୍ସା କେରୁଙ୍ଗ ସୀମା ପଥ ଦେଇ ମାନସରୋବର ଯାତ୍ରାରେ ଯାଇଥିଲେ। ଏହି ଯାତ୍ରା ମାସେ ହେଲା ଚାଲୁ ରହିଛି। ବାଟରେ ତିବବତର ଭିନ୍ନ ଭିନ୍ନ ସ୍ଥାନରେ ଅମ୍ଳଜାନସ୍ତର କମିଯିବାରୁ ୭ ଜଣ ଯାକ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଛି। ଚୀନରେ ଶବ ବ୍ୟବଚ୍ଛେଦ ହୋଇଛି। ମୃତ ତୀର୍ଥଯାତ୍ରୀଙ୍କ ଶବ ହିଲ୍ସା-ସିମିକୋଟ ଦେଇ ନେପାଳଗଂଜ ଅଣାଯାଇଥିଲା। ଏହାପରେ ଶବଗୁଡ଼ିକୁ ସେମାନଙ୍କ ନିବାସସ୍ଥଳକୁ ପଠାଇ ଦିଆଯାଇଛି।
Comments are closed.