ନୂଆଦିଲ୍ଲୀ : ୨୦୨୧-୨୨ ବର୍ଷ ପାଇଁ ଓଡ଼ିଶାର ପୌରସଂସ୍ଥା ଗୁଡ଼ିକୁ କେନ୍ଦ୍ର ସରକାର ୪୧୧ କୋଟି ଆର୍ଥିକ ଅନୁଦାନ ପ୍ରଦାନ କରିଛନ୍ତି । କେନ୍ଦ୍ର ଅର୍ଥ ମନ୍ତ୍ରାଳୟ ଦ୍ୱାରା ଜାରି ତଥ୍ୟ ଅନୁଯାୟୀ ଦେଶର ୨୮ଟି ରାଜ୍ୟକୁ ସମୁଦାୟ ୯୧୭୨.୬୩ କୋଟି ଅର୍ଥ ରାଶି ଦିଆଯାଇଛି। ଉତ୍ତର ପ୍ରଦେଶକୁ ସର୍ବାଧିକ ୧୫୯୨ କୋଟି, ତାମିଲନାଡ଼ୁକୁ ୭୪୧.୭୫ କୋଟି, ବିହାରକୁ ୭୫୬ କୋଟି, ପଶ୍ଚିମବଙ୍ଗକୁ ୬୯୬ କୋଟି ଏବଂ ଗୁଜରାଟକୁ ୬୬୦ କୋଟି ଆର୍ଥିକ ଅନୁଦାନ ମିଳିଛି। ଅନୁଦାନ ରାଶିର ପଚାଶ ପ୍ରତିଶତ ସହରାଞ୍ଚଳରେ କଠିନ ବର୍ଜ୍ୟବସ୍ତୁ ପରିଚାଳନା, ସ୍ୱଚ୍ଛତା ଏବଂ ପରିମଳ କ୍ଷେତ୍ରରେ ଖର୍ଚ୍ଚ କରାଯିବ। ସେହିପରି ବକେୟା ପଚାଶ ପ୍ରତିଶତ ପାନୀୟଜଳ, ବର୍ଷାଜଳ ସଂରକ୍ଷଣ ଏବଂ ଜଳ ପୁନଃପ୍ରକ୍ରିୟାକରଣ କ୍ଷେତ୍ରରେ ବ୍ୟୟ ହେବ। ବିଭିନ୍ନ କେନ୍ଦ୍ରୀୟ ଯୋଜନାରେ କେନ୍ଦ୍ର ସହରାଞ୍ଚଳର ବିକାଶ ମନ୍ତ୍ରାଳୟ ଏବଂ ରାଜ୍ୟ ସରକାରଙ୍କ ଅନୁଦାନ ବ୍ୟତୀତ ଅତିରିକ୍ତ ଅନୁଦାନ ଭାବେ ଏହି ସହାୟତା ରାଶି ମିଳିଛି।
Popular Categories
Previous article
Next article