ଜେନିଭା/କାବୁଲ : ଆଫଗାନିସ୍ତାନର ଲକ୍ଷାଧିକ ଶିଶୁ ପୁଷ୍ଟିହୀନତାର ଶିକାର ହେବାକୁ ଯାଉଛନ୍ତି। ଦେଶକୁ ତାଲିବାନ ଦଖଲ କରିବାଠାରୁ ରାଜନୈତିକ ଓ ସାମାଜିକ ସମସ୍ୟା ଜାରି ରହିଛି ଏବଂ ଜନତା ଭୋକ ଉପାସରେ ଆଉଟୁପାଉଟୁ ହେଉଛନ୍ତି। ବିଦେଶୀ ସହାୟତା ସେମାନଙ୍କ ପେଟ-ପିଠିକୁ କୁଳୋଉ ନାହିଁ। ଅର୍ଥନୀତି ଭୁଶୁଡ଼ି ପଡ଼ିଥିବାବେଳେ ଲୋକେ ନିର୍ଯାତନା ଭୟରେ ଦେଶ ଛାଡ଼ି ପଳଉଛନ୍ତି। ଚାକିରିଆଙ୍କୁ ଦରମା ମିଳୁ ନାହିଁ। ଅଧିକାଂଶ ରୋଜଗାର ହରାଇଛନ୍ତି। ଦେଶକୁ ଏବେ ମରୁଡ଼ି ଗ୍ରାସ କଲାଣି। ଲୋକେ ଏବେ ଖାଦ୍ୟାଭାବ ସହ ଯୁଝୁଛନ୍ତି। ଖାଦ୍ୟାଭାବରୁ ଦେଶର ପ୍ରାୟ ୩୨ ଲକ୍ଷ ଶିଶୁ ପୁଷ୍ଟିହୀନତା ଭୋଗୁଛନ୍ତି। ସେମାନଙ୍କ ମଧ୍ୟରୁ ପ୍ରାୟ ୧୦ଲକ୍ଷଙ୍କ ସ୍ବାସ୍ଥ୍ୟାବସ୍ଥା ସଂକଟଜନକ ରହିଛି। ଡାକ୍ତରଖାନାଗୁଡ଼ିକରେ ଏଭଳି ଶିଶୁ ମୃତ୍ୟୁ ସହ ଲଢ଼େଇ କରୁଛନ୍ତି। ଚଳିତ ବର୍ଷ ଶେଷ ସୁଦ୍ଧା ସେମାନଙ୍କ ଜୀବନ ଦୀପ ଲିଭିଯିବାକୁ ଏଡ଼ାଇ ଦିଆଯାଇ ନ ପାରେ। ଏବେ ଆଫଗାନିସ୍ତାନରେ ଭୟଙ୍କର ଶୀତ ଅନୁଭୂତ ହେଲାଣି। ଆଗକୁ ଏହା ଆହୁରି ଭୟଙ୍କର ସ୍ଥିତି ଉପୁଜାଇବ। ଏପରି ଆଶଙ୍କା ବ୍ୟକ୍ତ କରିଛନ୍ତି ବିଶ୍ବ ସ୍ବାସ୍ଥ୍ୟ ସଂଗଠନ (ହୁ)। ଏହାର ତ୍ବରିତ ପ୍ରତିକାର ପାଇଁ ହୁ ଆହ୍ବାନ ଦେଇଛି।
Popular Categories
Previous article
Next article