ଦେଶରେ ଦିନକରେ ୩୧,୨୨୨ ନୂଆ କରୋନା ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ଦେଶରେ ଦିନକ ମଧ୍ୟରେ ୩୧,୨୨୨ ନୂଆ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଛି। ସେହିଭଳି ଦିନକରେ ୪୨,୯୪୨ ଜଣ କରୋନାରୁ ସୁସ୍ଥ ହୋଇଛନ୍ତି। ଦେଶରେ ଦୈନିକ ସଂକ୍ରମଣ ହାର ୨.୦୫% ଏବଂ ସାପ୍ତାହିକ ସଂକ୍ରମଣ ହାର ୨.୫୬% ରହିଛି। ସେହି ସମୟରେ ଆରୋଗ୍ୟ ହାର ୯୭.୪୮% ରହିଛି। ସୋମବାର ଦିନ ଦେଶରେ ୧୫,୨୬,୦୫୬ ନମୁନା ପରୀକ୍ଷା କରାଯାଇଛି। ଏହାକୁ ମିଶାଇ ଏପର୍ଯ୍ୟନ୍ତ ମୋଟ ୫୩,୩୧,୮୯,୩୪୮ କୋଭିଡ ନମୁନା ପରୀକ୍ଷା କରାଯାଇସାରିଲାଣି। ଦିନକ ମଧ୍ୟରେ ମୋଟ ୧ କୋଟି ୧୩ ଲକ୍ଷ ପାନ କୋଭିଡ ଟିକା ଦିଆଯାଇଛି। ଏହାକୁ ମିଶାଇ ମୋଟ ୬୯.୯୦ କୋଟି ପାନ ଟିକା ଦିଆଯାଇସାରିଲାଣି।

Comments are closed.