ପ୍ରଥମ ପର୍ଯ୍ୟାୟ ମତଦାନ: ରାଜ୍ୟରେ ୧୧ଟା ସୁଦ୍ଧା ୨୩.୨୮ପ୍ରତିଶତ

ଭୁବନେଶ୍ୱର: ପ୍ରଥମ ପର୍ଯ୍ୟାୟରେ ଦିନ ୧୧ଟା ସୁଦ୍ଧା ଓଡ଼ିଶାରେ ୨୩.୨୮ ପ୍ରତିଶତ ମତଦାନ ହୋଇଛି। ରାଜ୍ୟ ନିର୍ବାଚନ କମିଶନଙ୍କ ତଥ୍ୟ ଅନୁଯାୟୀ ନୂଆପଡାରେ ସର୍ବାଧିକ ୨୬.୮୦ପ୍ରତିଶତ ମତଦାନ ହୋଇଥିବା ବେଳେ ଗଞ୍ଜାମରେ ସର୍ବନିମ୍ନ ୧୭.୭୪ପ୍ରତିଶତ ଭୋଟ ଗ୍ରହଣ ହୋଇଛି। ଗଜପତିରେ ୨୨.୦୨ପ୍ରତିଶତ, କଳାହାଣ୍ଡିରେ ୨୪.୭୯ପ୍ରତିଶତ, କୋରାପୁଟରେ ୨୬.୬୧ପ୍ରତିଶତ, ମାଲକାନଗିରି ୨୨.୪୩ପ୍ରତିଶତ, ନବରଙ୍ଗପୁର ୨୪.୯୬ପ୍ରତିଶତ, ରାୟଗଡାରେ ୨୧.୮୧ ପ୍ରତିଶତ ମତଦାନ ହୋଇଥିବା ସୂଚନା ମିଳିଛି। ସକାଳ ୭ଟାରୁ ମତଦାନ ଆରମ୍ଭ ହୋଇଥିବା ବେଳେ ସନ୍ଧ୍ୟା ୬ଟା ଯାଏଁ ଭୋଟିଂ ଚାଲିବ। ମତଦାନକୁ ଶାନ୍ତିଶୃଙ୍ଖଳା ସହ ଶେଷ କରିବାକୁ ପୁଲିଂ ବୁଥରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।