ନୂଆଦିଲ୍ଲୀ: ଶିକ୍ଷାନୁଷ୍ଠାନର ମାହୋଲ ବାମପନ୍ଥୀ ବିଚାର ଧାରା ବିଗାଡୁଛି ବୋଲି ଦର୍ଶାଇ ଦେଶର ୨୦୮ ଶିକ୍ଷାବିତ ପ୍ରଧାନମନ୍ତ୍ରୀ ନରେନ୍ଦ୍ରମୋଦୀଙ୍କୁ ଚିଠି ଲେଖି ଜଣାଇଛନ୍ତି। ଏହି ଶିକ୍ଷାବିତମାନଙ୍କ ମଧ୍ୟରେ ଭାରତର ବହୁ ବିଶ୍ବବିଦ୍ୟାଳୟରେ କୁଳପତି ମଧ୍ୟ ସାମିଲ ରହିଛନ୍ତି। ଚିଠି ମାଧ୍ୟମରେ ପ୍ରଧାନମନ୍ତ୍ରୀଙ୍କୁ ଶିକ୍ଷାବିତମାନେ ଲେଖିଛନ୍ତି ଯେ ବାମପନ୍ଥୀ ବିଚାର ଧାରା ଦେଶର ଶିକ୍ଷାନୁଷ୍ଠାନ ଗୁଡିକରେ ମାହୋଲକୁ ବିଗାଡୁଛନ୍ତି। ବାମପନ୍ଥୀ ବିଚାର ଧାରାରେ ଛାତ୍ରରାଜନୀତି ମାଧ୍ୟମରେ ଛାତ୍ରଛାତ୍ରୀଙ୍କ ମଧ୍ୟରେ ଅତିବାଦୀ ବାମପନ୍ଥୀ ଏଜେଣ୍ଡାକୁ ଆଗକୁ ବଢାଯାଉଛି। ନିକଟରେ ଜେଏନୟୁରୁ ଜାମିଆ ଏବଂ ଏଏମୟୁରୁ ଯାଦବପୁର ବିଶ୍ଵବିଦ୍ୟାଳୟ ପର୍ୟ୍ୟନ୍ତ ସାମ୍ନାକୁ ଆସିଥିବା ଘଟଣାରୁ ଜଣା ଯାଏ ଯେ, ଶିକ୍ଷାନୁଷ୍ଠାନର ମାହୋଲ ଖରାପ କରାଯାଉଛି। ବିଶ୍ଵବିଦ୍ୟାଳୟରେ ହେଉଥିବା ବିକ୍ଷୋଭ ପ୍ରଦର୍ଶନ ଓ ପାଠ ପଢାରେ ବ୍ୟାହାତ ହେବା ଏସବୁର ଉଦାହରଣ। ଏଭଳି ବିକ୍ଷୋଭ ପଛରେ ବାମପନ୍ଥୀଙ୍କ ଏଜେଣ୍ଡା ରହିଛି ବୋଲି ଶିକ୍ଷାବତିମାନେ ଚିଠିରେ ଉଲ୍ଲେଖ କରିଛନ୍ତି।
Over 200 academicians write to PM expressing concern over 'Left-wing anarchy' in educational institutions
Read @ANI Story | https://t.co/WM8leZQy3o pic.twitter.com/s1xt4ZgdmR
— ANI Digital (@ani_digital) January 12, 2020
ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିବା ଶିକ୍ଷାବିତମାନଙ୍କ ମଧ୍ୟରେ ହରି ସିଂହ ଗୌର ବିଶ୍ଵ ବିଦ୍ୟାଳୟର କୁଳପତି ଆରପି ତିଓ୍ଵାରୀ, ଦକ୍ଷିଣ ବିହାର ସେଣ୍ଟ୍ରାଲ ବିଶ୍ଵ ବିଦ୍ୟାଳୟର କୁଳପତି ଏଚସିଏସ ରାଠୋର ଓ ସର୍ଦ୍ଦାର ପଟେଲ୍ ବିଶ୍ଵ ବିଦ୍ୟାଳୟର ଶିରିଷ କୁଲକର୍ଣ୍ଣୀଙ୍କ ସମେତ ୨୦୮ ଜଣ ଶିକ୍ଷାବିତ ସାମିଲ ରହିଛନ୍ତି।
