ରାୟଗଡ଼ା: ରାୟଗଡ଼ାର ଏକ ଲଜରେ ବାଘଛାଲ ଡିଲ ଚାଲିଥିବା ବେଳେ ମାଡି ବସିଲା ରାଜ୍ଯ ଭିଜିଲାନ୍ସ ଟିମ ଓ ରାୟଗଡା ବନ ବିଭାଗ। ରାୟଗଡ଼ାରୁ ୨ଟି କଲରାପତରିଆ ବାଘ ଛାଲ ଜବତ ହୋଇଥିବା ବେଳେ ଜଣଙ୍କୁ ଗିରଫ କରିଛି ବନ ବିଭାଗ। ଆଜି କଟକ ବନ ବିଭାଗର ଭିଜିଲାନ୍ସ ଅଧିକାରୀ ରଜନୀ କୁମାର ମହାନ୍ତିଙ୍କ ନେତୃତ୍ୱରେ ଏକ ୮ଜଣିଆ ଟିମ ଓ ରାୟଗଡ଼ା ବନ ବିଭାଗର ୬ ଜଣିଆ ଟିମ ମିଳିତ ଭାବେ ରାୟଗଡ଼ାର ସତ୍ୟମ ସୁନ୍ଦରମ ଲଡ୍ଜରେ ଚଢ଼ଉ କରି ଏହି ସଫଳତା ପାଇଛନ୍ତି ।
ଏଥିରେ ସଂପୃକ୍ତ ଥିବା ରାୟଗଡା ବ୍ଲକ ଜେମାଦେଇପେଣ୍ଠ ନିକଟସ୍ଥ ପ୍ରେମନଗର ରେଡି କୈାଶଲ୍ୟା ନାମକ ଜଣେ ବ୍ଯକ୍ତିଙ୍କୁ ଗିରଫ କରି ପଚରା ଉଚରା ଚାଲିଛି । ଜବତ ବାଘ ଛାଲ ଦୁଇଟି କଲରାପତରିଆ ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ବାଘ ଛାଲ ୨ଟି ଅଜଣା ବ୍ୟକ୍ତିମାନେ ତା ହାତରେ ଦେଇ କେଉଁଆଡେ ଚାଲି ଯାଇଥିବା ରେଡି କୈାଶଲ୍ୟା ତଦନ୍ତକାରୀ ଟିମ ଆଗରେ କହିଛି । ଏହାକୁ ବିଶ୍ବାସ କରୁନି ବନ ବିଭାଗ । ଏହା ପଛରେ ଏକ ବଡ ରାକେଟ କାମ କରୁଥିବା ସଂଦେହ କରୁଛି ତଦନ୍ତକାରୀ ଟିମ । ଏହି ଘଟଣାରେ ଆଉ କାହାର ସଂପୃକ୍ତି ରହିଛି , କେଉଁଠୁ ଏହି ବାଘ ଛାଲ ଆସିଲା, କୁଆଡେ ବାଘ ଛାଲ ଚୋରା ଚାଲାଣ ହେଉଥିଲା ତାହା ତଦନ୍ତ ପରେ ସ୍ପଷ୍ଟ ହେବ ବୋଲି ଏସିଏଫ ଅଶୋକ କୁମାର ପ୍ରଧାନ ସୂଚନା ଦେଇଛନ୍ତି ।
Comments are closed.