ଭୁବନେଶ୍ବର : ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଯୁକ୍ତ ଦୁଇ କଳା, ବାଣିଜ୍ୟ, ବିଜ୍ଞାନ ଓ ଧନ୍ଦାମୂଳକ ଶିକ୍ଷା ପ୍ରାକ୍ଟିକାଲ୍ ପରୀକ୍ଷା ଜାନୁଆରୀ ୨୮ରୁ ଆରମ୍ଭ ହେବ। ପରୀକ୍ଷାକୁ ଆଉ ମାତ୍ର ଦୁଇ ଦିନ ବାକି ରହିଛି। ଏହାପୂର୍ବରୁ ପରିଷଦ ପକ୍ଷରୁ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। କେନ୍ଦ୍ରଗୁଡ଼ିକୁ ଉତ୍ତରଖାତା, ପ୍ରଶ୍ନପତ୍ର ଓ ଆଡ୍ମିଟ୍ କାର୍ଡ ପଠାଯାଇଛି। ସାଧାରଣତନ୍ତ୍ର ଦିବସ ଓ ଜାନୁଆରୀ ୨୭ରେ ରବିବାର ଛୁଟି ପଡୁଛି। ଏହି ଛୁଟି ଦିନରେ ଛାତ୍ରଛାତ୍ରୀଙ୍କୁ ଆଡ୍ମିଟ୍ କାର୍ଡ ପ୍ରଦାନ କରାଯିବ। କଲେଜକୁ ଯାଇ ସେମାନଙ୍କ ଆଡ୍ମିଟ୍ କାର୍ଡ ସଂଗ୍ରହ କରିବାକୁ ପରାମର୍ଶ ଦିଆଯାଇଛି। ଛାତ୍ରଛାତ୍ରୀ ଯେଭଳି ଆଡ୍ମିଟ୍ କାର୍ଡ ପାଇଁ ହଇରାଣ ନ ହୁଅନ୍ତି ସେଥିପାଇଁ କଲେଜ କର୍ତ୍ତୃପକ୍ଷ ସ୍ବତନ୍ତ୍ର ଦୃଷ୍ଟି ଦେବାକୁ କୁହାଯାଇଛି।
