ରାତିରେ ଶୋଇଥିବା ବେଳେ ଯୁବକଙ୍କୁ ହତ୍ୟା

ଟିଟିଲାଗଡ଼- ଟିଟିଲାଗଡ ଉପଖଣ୍ଡ ସିନ୍ଧେକେଲା ଥାନା ଅନ୍ତର୍ଗତ ଡେଡଗାଁ ଗ୍ରାମର ଚାଷୀ ନରିନ ଥପାଙ୍କ ପୁଅ ରୂଖାଡ଼ ଥପା (୩୫) ରାତ୍ରିରେ ଶୋଇଥିଲା ବେଳେ ଅଜଣା ଲୋକ ଆସି ଆକ୍ରମଣ କରିଥିଲେ l ତାଙ୍କୁ ଆମ୍ବୁଲାନ୍ସ ଯୋଗେ ଟିଟିଲାଗଡ଼ ଉପଖଣ୍ଡ ମୁଖ୍ୟ ଡାକ୍ତରଖାନାରେ ଭର୍ତି କରାଯାଇଥିଲା ।

ପ୍ରବଳ ରକ୍ତସ୍ରାବ ଯୋଗୁଁ ତାଙ୍କର ମୃତ୍ୟୁ ଘଟିଛି l ତାଙ୍କ ମୁଣ୍ଡରେ ଶକ୍ତ ଆକ୍ରମଣ ହୋଇଛି l ତାଙ୍କ ୫ ବର୍ଷର ପୁଅକୁ ମଧ୍ୟ ଆକ୍ରମଣ ହୋଇଛି l ତାଙ୍କ ପତ୍ନୀ କିଛି ଦିନ ହେଲା କଲିଗୋଳ ହୋଇ ନିଜ ମା’ ଘରକୁ ଚାଲିଯାଇଛନ୍ତି l ସିନ୍ଧେକେଲା ଥାନା ଆଇଆଇସି ବସନ୍ତ ଦଳାଇଙ୍କ ସୂଚନା ମୁତାବକ ସେ ତାଙ୍କ ପତ୍ନୀ ତଥା ବିଧବା ଭାଇବୋହୁଙ୍କ ସହ ମଦ ପିଇ କଲିଗୋଳ କରି ଆସୁଥିଲେ l ଏନେଇ ଗ୍ରାମରେ ବୈଠକ ବସି ସମାଧାନ ଉଦ୍ୟମ କରାଯାଇଥିଲା l ତେବେ ଅଚାନକ ରାତ୍ରୀ ରେ ରୂଖାଡ଼ଙ୍କ ହତ୍ୟା ନେଇ ପୁଲିସ ତଦନ୍ତ ଆରମ୍ଭ କରିଛି ।