ନୂଆଦିଲ୍ଲୀ: ଭାରତରେ କରୋନା ଆକ୍ରାନ୍ତ ସଂଖ୍ୟା ୧୭ ହଜାର ୨୬୫ରେ ପହଞ୍ଚିଛି। ସେମାନଙ୍କ ମଧ୍ୟରୁ ୧୪ ହଜାର ୧୭୫ ଜଣ ଏବେ ଚିକିତ୍ସାଧୀନ ଥିବାବେଳେ ୨୫୪୬ ଜଣ ସୁସ୍ଥ ହୋଇଛନ୍ତି। ମୋଟ ୫୪୩ ଜଣଙ୍କର ମୃତ୍ୟୁ ଘଟିଛି। ସୋମବାର ସକାଳ ୮ଟା ସୁଦ୍ଧା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହାର ୱେବସାଇଟ୍ରେ ଏହି ତଥ୍ୟ ଦର୍ଶାଯାଇଛି।
କୋଭିଡ-୧୯ଇଣ୍ଡିଆ ୱେବସାଇଟରେ ପ୍ରକାଶିତ ତଥ୍ୟ ଅନୁସାରେ, ବର୍ତ୍ତମାନ ସୁଦ୍ଧା ମହାରାଷ୍ଟ୍ର ଦେଶର ସର୍ବାଧିକ କରୋନା ପ୍ରଭାବିତ ରାଜ୍ୟ ପାଲଟିଛି। ଏଠାରେ ମୋଟ ୪୨୦୦ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ସର୍ବାଧିକ ୨୨୩ ଜଣଙ୍କର ମୃତ୍ୟୁ ଘଟିଛି। ସେହିପରି ଦିଲ୍ଲୀରେ ଆକ୍ରାନ୍ତ ସଂଖ୍ୟା ୨୦୦୩ ରହିଥିବାବେଳେ ୪୫ ଜଣଙ୍କର ମୃତ୍ୟୁ ହୋଇଛି। ଏହାପଛକୁ ଗୁଜରାଟରେ ୧୭୪୩, ରାଜସ୍ଥାନରେ ୧୪୯୫, ତାମିଲନାଡୁରେ ୧୪୭୭, ମଧ୍ୟପ୍ରଦେଶରେ ୧୪୦୭ ଏବଂ ଉତ୍ତରପ୍ରଦେଶରେ ୧୧୦୦ ସଂକ୍ରମିତ ଚିହ୍ନଟ ହୋଇଛନ୍ତି। ମହାରାଷ୍ଟ୍ର ପଛକୁ ମଧ୍ୟପ୍ରଦେଶରେ ଦ୍ବିତୀୟ ସର୍ବାଧିକ ମୃତ୍ୟୁ ଘଟିଛି। ମଧ୍ୟପ୍ରଦେଶରେ ବର୍ତ୍ତମାନ ସୁଦ୍ଧା ୭୨ ଜଣ କରୋନାରେ ପ୍ରାଣ ହରାଇଛନ୍ତି। ଏହାବ୍ୟତୀତ ତେଲେଙ୍ଗାନାରେ ୮୫୮, ଆନ୍ଧ୍ରପ୍ରଦେଶରେ ୬୪୭, କେରଳରେ ୪୦୧, କର୍ଣ୍ଣାଟକରେ ୩୯୦, ଜାମ୍ମୁ-କାଶ୍ମୀରରେ ୩୫୪, ପଶ୍ଚିମବଙ୍ଗରେ ୩୩୯, ହରିୟାଣାରେ ୨୫୦, ପଞ୍ଜାବରେ ୨୪୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
Comments are closed.