ଡେସ୍କ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ ୧୬୪୩ କିଲୋମିଟର ଦୀର୍ଘ ଭାରତ-ମିଆଁମାର ସୀମାରେ ବାଡ଼ ଲଗାଇବାକୁ ସରକାର ନିଷ୍ପତ୍ତି ନେଇଛନ୍ତି। ସେ କହିଛନ୍ତି, ସୀମାରେ ଏକ ପାଟ୍ରୋଲିଂ ଟ୍ରାକ୍ ନିର୍ମାଣ କରାଯିବ, ଯାହା ଦ୍ୱାରା ଉତ୍ତମ ତଦାରଖ ସମ୍ଭବ ହେବ।
ଏକ ସୋସିଆଲ ମିଡିଆ ପୋଷ୍ଟରେ ଶ୍ରୀ ଶାହ କହିଛନ୍ତି, ମଣିପୁରର ମୋରେଠାରେ ୧୦ କିଲୋମିଟର ସୀମା ବାଡ଼ ଲଗାଯାଇଛି। ଏହାବ୍ୟତୀତ ହାଇବ୍ରିଡ୍ ସର୍ଭିଲାନ୍ସ ସିଷ୍ଟମ ଜରିଆରେ ବାଡ଼ ଲଗାଇବା ପାଇଁ ଦୁଇଟି ପାଇଲଟ୍ ପ୍ରକଳ୍ପ କାର୍ଯ୍ୟକାରୀ ହେଉଛି। ଗୃହମନ୍ତ୍ରୀ କହିଛନ୍ତି, ଏହି ସବୁ ପ୍ରକଳ୍ପ ଅଧୀନରେ ଅରୁଣାଚଳ ପ୍ରଦେଶ ଓ ମଣିପୁରରେ ପ୍ରତ୍ୟେକ ଏକ କିଲୋମିଟର ସୀମା ବାଡ଼ ନିର୍ମାଣ କରାଯିବ। ଏହାବ୍ୟତୀତ ମଣିପୁରରେ ପ୍ରାୟ ୨୦ କିଲୋମିଟର ସୀମାରେ ବାଡ଼ ଲଗାଇବାକୁ ମଞ୍ଜୁରି ମିଳିଛି ଏବଂ ଖୁବ୍ ଶୀଘ୍ର କାମ ଆରମ୍ଭ ହେବ ବୋଲି ସେ କହିଛନ୍ତି।
Comments are closed.