ନୂଆଦିଲ୍ଲୀ : ଲକଡାଉନ ସମୟରେ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ରାଜ୍ୟ ଓ କେନ୍ଦ୍ରଶାସିତ ପ୍ରଦେଶର ୧୩.୪ କୋଟି ହିତାଧିକାରୀଙ୍କୁ ୧.୭୮ ଲକ୍ଷ ମେଟ୍ରିକ ଟନ ଡାଲି ବଣ୍ଟନ କରାଯାଇଛି । ସେହିପରି ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନାରେ ୯.୬୭ କୋଟି କୃଷକଙ୍କୁ ୧୯,୩୫୦.୮୪ କୋଟି ଟଙ୍କା ପ୍ରଧାନ କରାଯାଇଛି।
-ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅନ୍ତର୍ଗତ ଡାଲି ବଣ୍ଟନ
ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅଧୀନରେ ରାଜ୍ୟ ଓ କେନ୍ଦ୍ରଶାସିତ ପ୍ରଦେଶଗୁଡ଼ିକୁ ପାଖାପାଖି ୪.୫୭ ଲକ୍ଷ ମେଟ୍ରିକ ଟନ ଡାଲି ଯୋଗାଇ ଦିଆଯାଇଛି । ଏଥିମଧ୍ୟରୁ ୧.୭୮ ଲକ୍ଷ ମେଟ୍ରିକ ଟନ ଡାଲି ରାଜ୍ୟ ଓ କେନ୍ଦ୍ରଶାସିତ ପ୍ରଦେଶରେ ଥିବା ୧୩୪୦.୬୧ ଲକ୍ଷ ହିତାଧିକାରୀଙ୍କୁ ବିତରଣ କରାଯାଇସାରିଛି ।
-ନାଫେଡ ପକ୍ଷରୁ ଡାଲି ଓ ତୈଳ ବୀଜ ସଂଗ୍ରହର ସ୍ଥିତି :
ଲକଡାଉନ ସମୟରେ ଆନ୍ଧ୍ର ପ୍ରଦେଶ, ତେଲଙ୍ଗାନା, କର୍ଣ୍ଣାଟକ, ରାଜସ୍ଥାନ, ମହାରାଷ୍ଟ୍ର, ମଧ୍ୟପ୍ରଦେଶ, ଗୁଜରାଟ, ଉତ୍ତରପ୍ରଦେଶ ଓ ହରିୟାଣା ଆଦି ୯ଟି ରାଜ୍ୟରୁ ୭.୩୩ ଲକ୍ଷ ମେଟ୍ରିକ ଟନ ଚଣା ଡାଲି ସଂଗ୍ରହ କରାଯାଇଛି ।
ସେହିପରି ରାଜସ୍ଥାନ, ମଧ୍ୟପ୍ରଦେଶ, ଉତ୍ତର ପ୍ରଦେଶ, ଗୁଜରାଟ ଓ ହରିୟାଣା ଆଦି ୫ଟି ରାଜ୍ୟରୁ ୫.୯୧ ଲକ୍ଷ ମେଟ୍ରିକ ଟନ ସୋରିଷ ସଂଗ୍ରହ କରାଯାଇଛି।
ତାମିଲନାଡ଼ୁ, ତେଲଙ୍ଗାନା, ଆନ୍ଧ୍ର ପ୍ରଦେଶ, ମହାରାଷ୍ଟ୍ର, କର୍ଣ୍ଣାଟକ, ମଧ୍ୟପ୍ରଦେଶ, ଗୁଜରାଟ ଓ ଓଡ଼ିଶା ଆଦି ୮ଟି ରାଜ୍ୟରୁ ୨.୪୧ ଲକ୍ଷ ମେଟ୍ରିକ ଟନ ହରଡ଼ ଡାଲି ସଂଗ୍ରହ କରାଯାଇଛି।
-ରବି ବିପଣନ ଋତୁରେ ଗହମ ସଂଗ୍ରହ
ରବି ବିପଣନ ଋତୁ (ଆରଏମଏସ) ୨୦୨୦-୨୧ରେ ମୋଟ ୩୫୯.୧୦ ଲକ୍ଷ ମେଟ୍ରିକ ଟନ ଗହମ ଏଫସିଆଇରେ ପହଞ୍ଚିଥିଲା ଏଥିମଧ୍ୟରୁ ୩୪୭.୫୪ ଲକ୍ଷ ମେଟ୍ରିକ ଟନ କ୍ରୟ କରାଯାଇଛି।
-ପ୍ରଧାନମନ୍ତ୍ରୀ କିସାନ ସମ୍ମାନ ନିଧି (ପିଏମ-କିସାନ) ଯୋଜନା
ପ୍ରଧାନମନ୍ତ୍ରୀ କିସାନ ସମ୍ମାନ ନିଧି (ପିଏମ-କିସାନ) ଯୋଜନା ଅନ୍ତର୍ଗତ ଲକଡାଉନ ଅବଧିରେ ୨୪.୩.୨୦୨୦ ଠାରୁ ବର୍ତ୍ତମାନ ପର୍ୟ୍ୟନ୍ତ ୯.୬୭ କୋଟି କୃଷକ ଲାଭାନ୍ବିତ ହୋଇଛନ୍ତି ଏବଂ ସେମାନଙ୍କୁ ୧୯,୩୫୦.୮୪ କୋଟି ଟଙ୍କା ଜାରି କରାଯାଇଛି।
