ହାଇଦ୍ରାବାଦ୍: ବହୁଚର୍ଚ୍ଚିତ ମହାସମାବେଶରେ ତେଲେଙ୍ଗାନା ମୁଖ୍ୟମନ୍ତ୍ରୀ ତଥା ତେଲେଙ୍ଗନା ରାଷ୍ଟ୍ରୀୟ ସମିତି ସୁପ୍ରିମୋ କେ ଚନ୍ଦ୍ରଶେଖର ରାଓ କୃଷକଙ୍କ ପାଇଁ ବୃହତ୍ ଘୋଷଣା କରିଛନ୍ତି। ସମାବେଶ ପୂର୍ବରୁ ଅନୁଷ୍ଠିତ କ୍ୟାବିନେଟ୍ ବୈଠକରେ ବିଧାନସଭା ଭଙ୍ଗ ପ୍ରସଙ୍ଗରେ ଘୋଷଣା ହୋଇପାରେ ବୋଲି କଳ୍ପନାଜଳ୍ପନା ପ୍ରକାଶ ପାଉଥିବା ବେଳେ ସେ ବିଷୟରେ ଚନ୍ଦ୍ରଶେଖର ରାଓ କୌଣସି ସୂଚନା ଦେଇନାହାନ୍ତି।
ଆଜି ଅନୁଷ୍ଠିତ ମେଗା ରାଲିରେ ସବୁ କ୍ଷେତ୍ର ପାଇଁ ଚନ୍ଦ୍ରଶେଖର ରାଓ ଅନେକ ଘୋଷଣା କରିଛନ୍ତି। ବିଶେଷକରି କୃଷକଙ୍କ ପାଇଁ ପ୍ରତ୍ୟକ୍ଷ ରିହାତି ଟଙ୍କା ହସ୍ତାନ୍ତର ଯୋଜନା ‘ରାଇତୁ ବନ୍ଧୁ’ ଘୋଷଣା କରିଥିଲେ। ଏହି ଘୋଷଣା ପରେ କୃଷକମାନେ ପ୍ରତି ଏକର ପିଛା ୪ ହଜାର ଟଙ୍କା ପାଇବେ। ଏହି ଯୋଜନା ପାଇଁ ମୋଟ ୧୨ ହଜାର କୋଟି ଟଙ୍କାର ବ୍ୟୟ ଅଟକଳ କରାଯାଇଥିବା ବେଳେ ୬ ହଜାର କୋଟି ଟଙ୍କା କୃଷକଙ୍କ ବ୍ୟାଙ୍କ ଖାତାକୁ ସ୍ଥାନାନ୍ତର କରିଦିଆଯାଇଛି। ସେହିପରି ୨୦୧୪ରେ ନିର୍ବାଚନ ପ୍ରତିଶ୍ରୁତି ଅନୁଯାୟୀ ପୂର୍ବରୁ କୃଷକମାନଙ୍କ ୧ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଛାଡ଼ କରାଯାଇଥିବା ବେଳେ ଏବେ ଆଉ ୧ କୋଟି ଟଙ୍କାର ଋଣ ଛାଡ଼ ପାଇଁ ଘୋଷଣା କରାଯାଇପାରେ ବୋଲି କୁହାଯାଉଛି। ଗତକାଲି ବିଦ୍ୟୁତ କର୍ମଚାରୀମାନଙ୍କ ବେତନରେ ୩୫% ବୃଦ୍ଧି ଘୋଷଣା କରାଯାଇଛି। ନିର୍ବାଚନକୁ ଦୃଷ୍ଟିରେ ରଖି ଚନ୍ଦ୍ରଶେଖର ରାଓ ତରବରିଆ ଭାବେ ଏହି ସବୁ ଘୋଷଣା କରୁଛନ୍ତି ବୋଲି ବିରୋଧୀ ପକ୍ଷରୁ ଅଭିଯୋଗ ହେଉଛି। ଆସନ୍ତା ୬ ତାରିଖରେ ବିଧାନସଭା ଭଙ୍ଗ ଘୋଷଣା ହୋଇପାରେ ବୋଲି ନିକଟତମ ମହଲରୁ ଜଣାପଡ଼ିଛି।
ମହାସମାବେଶରେ କୃଷକଙ୍କ ପାଇଁ ବୃହତ୍ ଘୋଷଣା କଲେ କେସିଆର
Popular Categories
Previous article
Next article