ନୂଆଦିଲ୍ଲୀ: ସିବିଆଇର କାର୍ଯ୍ୟଶୈଳୀ ନେଇ ସୋମବାର ସଂସଦରେ ବର୍ଷିଛି ବିଜେଡି। ସିବିଆଇ କେନ୍ଦ୍ର ସରକାରଙ୍କ ରାଜନୈତିକ ଅସ୍ତ୍ର ସାଜିଛି ବୋଲି କଟକ ସାଂସଦ ଭର୍ତ୍ତୃହରି ମହତାବ ସିଧାସଳଖ ଅଭିଯୋଗ କରିଛନ୍ତି। ଲୋକସଭାର ଶୂନ୍ୟକାଳରେ ସିବିଆଇ ବିବାଦ ପ୍ରସଙ୍ଗରେ ବିଜେଡିର ଆଭିମୁଖ୍ୟ ସ୍ପଷ୍ଟ କରି କଟକ ସାଂସଦ କହିଛନ୍ତି ଯେ ଗତ ୨/୩ ମାସ ଧରି ଯେଉଁ ଭଳି ଢଙ୍ଗରେ ସିବିଆଇ ଚାଲୁଛି ବିଶ୍ୱସନୀୟତା ପ୍ରତି ଅନେକ ପ୍ରଶ୍ନ ସୃଷ୍ଟି କରୁଛି। ଗତ କିଛି ବର୍ଷ ଧରି କେତେକ ନିର୍ଦ୍ଦିଷ୍ଟ ମାମଲାର ତଦନ୍ତ ପଛରେ ଲୁକ୍କାୟିତ କାରଣ ସଂସ୍ଥାର ବିଶ୍ୱସନୀୟତାକୁ ତଳକୁ ନେଉଛି। ଭାରତ ଭଳି ଗଣତାନ୍ତ୍ରିକ ରାଷ୍ଟ୍ରରେ ଏସବୁ ବନ୍ଦ ହେବା ଆବଶ୍ୟକ ବୋଲି କଟକ ସାଂସଦ ଭର୍ତ୍ତୃହରି ମହତାବ କହିଥିଲେ। ସିବିଆଇର ଆଚରଣ ନୂଆ ନୁହେଁ ବୋଲି ଦର୍ଶାଇ ପଞ୍ଚାୟତ ନିର୍ବାଚନ ପୂର୍ବରୁ ଓଡ଼ିଶା ହାଇକୋର୍ଟର ଜଣେ କାର୍ଯ୍ୟରତ ବିଚାରପତିଙ୍କ ଘରେ ସିବିଆଇ ପଶିବା ଘଟଣାକୁ ସାଂସଦ ଶ୍ରୀ ମହତାବ ମନେପକାଇ ଦେଇଥିଲେ। ବିଜୁ ଜନତା ଦଳକୁ ଅପମାନିତ କରିବା ପାଇଁ ପୂର୍ବରୁ ସିବିଆଇ ଯଥେଷ୍ଟ ଉଦ୍ୟମ କରିଥିଲା; ଏବେ ପୁଣି ବିଜେଡି ନେତାଙ୍କୁ ନିନ୍ଦିତ କରିବା ପାଇଁ ଉଦ୍ୟମ ଜୋରଦାର କରିଛି।
ଦୁର୍ନୀତିରେ ସଂପୃକ୍ତ ପ୍ରକୃତ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠନ ନେଇ ସିବିଆଇ ଏକ ପେଶାଦାର ସଂସ୍ଥାର ପରିଚୟ ଗଢ଼ି ତୋଳିବାକୁ ସାଂସଦ ଶ୍ରୀ ମହତାବ ଆହ୍ୱାନ ଦେଇଥିଲେ।
କେନ୍ଦ୍ର ସରକାରଙ୍କ ରାଜନୈତିକ ଅସ୍ତ୍ର ସାଜିଛି ସିବିଆଇ: ଭର୍ତ୍ତୃହରି
Popular Categories
Previous article
Next article