କାଲିଫର୍ଣ୍ଣିଆ: କାଲିଫର୍ଣ୍ଣିଆର ସାନ୍ ବେରନାଡିନୋ ସ୍ଥିତ ଏକ ଆପାର୍ଟମେଣ୍ଟରେ ଜଣେ ଆତତାୟୀ ଆଖିବୁଜା ଗୁଳି ଚଳାଇଛି। ଏଥିରେ ୧୦ ଜଣ ଆହତ ହୋଇଥିବାବେଳେ ୩ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ଆହତଙ୍କ ମଧ୍ୟରେ ଏକାଧିକ ଶିଶୁ ଥିବା ଜଣାପଡ଼ିଛି।
ପୁଲିସ ସୂଚନା ଅନୁଯାୟୀ, ସ୍ଥାନୀୟ ସମୟ ରାତି ୧୦ ଟା ୪୫ରେ ଆତତାୟୀର ଏହି ନାରକୀୟ କାଣ୍ଡ ସମ୍ପର୍କରେ ଖବର ମଳିଥିଲା। ପୁଲିସ ସେଠାରେ ପହଞ୍ଚିବା ବେଳକୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ୧୦ ଜଣ ଚଟାଣରେ ପଡ଼ିଥିବା ଦେଖାଯାଇଥିଲା। ସେହି କମ୍ପେ୍ଲକ୍ସରେ ୧୦୦ଟି ଆପାର୍ଟମେଣ୍ଟ ରହିଛି। ଛୁଟି ଦିନ ଥିବାରୁ ଆପାର୍ଟମେଣ୍ଟ ବାହାର ପଡ଼ିଆରେ ଲୋକମାନେ ଖେଳ ଓ ମନୋରଞ୍ଜନରେ ବ୍ୟସ୍ତ ଥିଲେ। ଏହି ସମୟରେ ଆତତାୟୀ ଏଭଳି କାଣ୍ଡ ଭିଆଇ ଥିଲା।
ଏହି ଘଟଣା ପଛର କାରଣ ଓ କାହାର ହାତ ଥାଇ ପାରେ ସେ ବିଷୟରେ ପୁଲିସ କିଛି ଅନୁମାନ କରିପାରିନାହିିଁ। ଘଟଣାସ୍ଥଳରୁ ମାରଣାସ୍ତ୍ର କିମ୍ବା ଆତତାୟୀ ସମ୍ପର୍କରେ କୌଣସି ସୂଚନା ମିଳିପାରିନାହିଁ। ସୂଚନାଯୋଗ୍ୟ, ଗତ ୨୬ ତାରିଖରେ ଫ୍ଲୋରିଡାରେ ଏକ ଭିଡିଓ ଗେମ୍ ଟୁର୍ଣ୍ଣାମେଣ୍ଟ ବେଳେ ଜଣେ ଖେଳାଳି ଦୁଇ ଜଣ ପ୍ରତିଯୋଗୀଙ୍କ ସହିତ ୧୧ ଜଣଙ୍କୁ ହତ୍ୟା କରିଥିଲେ।
