ନୀଳଗିରି : ବନ୍ଧୁମାନଙ୍କ ସହିତ ହୋଲି ଖେଳି ଏକ ବନ୍ଧକୁ ଗାଧୋଇବାକୁ ଯାଇ ଜଣେ ଯୁବକ ନିଖୋଜ ହେବାର ଦୀର୍ଘ ୫ଘଣ୍ଟା ପରେ ତାଙ୍କର ମୃତ ଦେହ ଉଦ୍ଧାର ହୋଇଛି। ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ନୀଳଗିରି ଥାନା ଅଧୀନ ସିଆଡିମାଳ ଅଞ୍ଚଳରେ। ସେହି ଗ୍ରାମର ନିଶିକାନ୍ତ ସାଏବାବୁ ଓରଫ ଜଗା ସାଙ୍ଗମାନଙ୍କ ସହିତ ହୋଲି ଖେଳିସାରି ଗାଁ ନିକଟ ବୁଗାଳି ବନ୍ଧକୁ ଗାଧୋଇବାକୁ ଯାଇ ବୁଡି ଯାଇଥିଲେ। ପାଖରେ ଥିବା ସାଙ୍ଗମାନେ ଉଦ୍ଧାର ପାଇଁ ଚେଷ୍ଟା କରିଥିଲେ ହେଁ ୩୦ ଫୁଟ ଗଭୀର ଗଣ୍ଡରେ ସମ୍ପୃକ୍ତ ଯୁବକ ବୁଡିଯାଇଥିବାରୁ ଉଦ୍ଧାର କରି ପରି ନ ଥିଲେ। ଖବର ପାଇ ନୀଳଗିରି ଅଗ୍ନିଶମ ବିଭାଗ ସହିତ ଗ୍ରାମବାସୀ ଡଙ୍ଗାରେ ଉଦ୍ଧାର ଜାରୀ ରଖିଥିଲେ ସୁଦ୍ଧା କୌଣସି ପତ୍ତା ମିଳିନଥିଲା। ଶେଷରେ ବାଲେଶ୍ଵରରୁ ଅଗ୍ନିଶମ ବିଭାଗ କର୍ମଚାରୀ ଆସି ଯୁବକଙ୍କ ମୃତ ଦେହ ଉଦ୍ଧାର କରିଛି। ଯାହାକୁ ନେଇ ଗାଁରେ ଶୋକର ଛାୟା ଖେଳି ଯାଇଛି।
Comments are closed.