ସମାଜ ଡିଜିଟାଲ ଡେସ୍କ: ସନାତନ ପରମ୍ପରା ଏବଂ ହିନ୍ଦୁତ୍ଵ ସହିତ ଗେରୁଆ ରଙ୍ଗର ସମ୍ପୃକ୍ତି ରହିଛି। ଦିନ ଆସିବ ସାରା ବିଶ୍ଵ ଗେରୁଆ ପିନ୍ଧିବ ବୋଲି କହିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ଲକ୍ଷ୍ନୌରେ ଆୟୋଜିତ ଏକ କାର୍ଯ୍ୟକ୍ରମରେ ଏହା କହିଛନ୍ତି।
ଜନସାଧାରଣଙ୍କୁ ଉଦବୋଧନ ଦେଇ ଯୋଗୀ କହିଥିଲେ, ମୋ ବିଷୟରେ ଦୁନିଆ ଯାହା ଭାବିବା କଥା ଭାବୁ, କିନ୍ତୁ ବାସ୍ତବରେ ମୁଁ ଗେରୁଆ ବସ୍ତ୍ର ପରିଧାନ କରେ। ଏହା ମୋର ପରିଚୟ ଏବଂ ଆମ ସନାତନ ପରମ୍ପରାର ମଧ୍ୟ ପରିଚୟ। ମୁଁ ଏଥିରୁ ପ୍ରଚୁର ଗର୍ବ ଅନୁଭବ କରେ ଏବଂ ମୁଁ କହୁଛି, ଦିନେ ସାରା ବିଶ୍ଵ ଏହାକୁ ପରିଧାନ କରିବ।
ସମ୍ପ୍ରତି ସମ୍ଭଲ ମସଜିଦ ବିବାଦକୁ ନେଇ କହିଥିଲେ, କାହାର ବିଶ୍ଵାସକୁ ବଳପୂର୍ବକ ଅଧିକାର କରିବା ଅଗ୍ରହଣୀୟ। ବିଶେଷକରି ଯେତେବେଳେ ଆମେ ସମ୍ଭଲ ବିଷୟରେ ସମସ୍ତ ସତ୍ୟତା ଜାଣିଛୁ। ସମ୍ଭଲରେ ୧୫୨୬ରେ ଏକ ବିଷ୍ଣୁ ମନ୍ଦିର ରହିଥିଲା। ୫ ହଜାର ବର୍ଷ ତଳେ ଧର୍ମଗ୍ରନ୍ଥରେ ସମ୍ଭଲ ବିଷୟରେ ଉଲ୍ଲେଖ ରହିଛି। ସେଥିରେ ଭଗବାନ ବିଷ୍ଣୁଙ୍କ ପରଜନ୍ମ ବିଷୟରେ ମଧ୍ୟ କୁହାଯାଇଛି। ସମ୍ଭଲ ଐତିହାସିକ ସତ୍ୟକୁ ବର୍ଣ୍ଣନା କରେ ବୋଲି ସେ କହିଛନ୍ତି।
Comments are closed.