ନୂଆଦିଲ୍ଲୀ : ଇଲେକ୍ଟ୍ରିକ୍ ଗାଡି ଉଦ୍ୟେଗରେ କ୍ରାନ୍ତି ଆଣିଥିବା ସିମ୍ପଲ ଏନର୍ଜି ନିଜ ନୂଆ ଇ-ସ୍କୁଟର ସିମ୍ପଲ ଓ୍ବାନଏସ୍ ଲଞ୍ଚ୍ କରିଦେଇଛି । ଏହାର ଦାମ୍ ୧.୩୯ ଲକ୍ଷ ଟଙ୍କା ରଖିଛି କମ୍ପାନୀ । ଏହାକୁ ଥରେ ଚାର୍ଜ କଲେ ୧୮୧ କିଲୋମିଟର ପର୍ଯ୍ୟନ୍ତ ଯାତ୍ରା କରିହେବ । ଏହାର ସର୍ବାଧିକ ସ୍ପିଡ୍ ୧୦୫ କିଲୋମିଟର ପ୍ରତି ଘଣ୍ଟା ବୋଲି କମ୍ପାନୀ ସୂଚନା ଦେଇଛି ।
ସିମ୍ପଲ ଓ୍ବନ୍ସ ଇ-ସ୍କୁଟର ମାତ୍ର ୨.୫୫ ସେକେଣ୍ଡରେ ଶୂନ୍ୟରୁ ୪୦ କିଲୋମିଟର ପ୍ରତିଘଣ୍ଟା ସ୍ପିଡ୍ ଧରିପାରିବ । ଏହାର ସର୍ବାଧିକ ସ୍ପିଡ୍ ୧୦୫ କିଲୋମିଟର ପ୍ରତି ଘଣ୍ଟା । ଏଥିରେ ଏକ ୩.୭ କିଲୋଓ୍ବାଟର ଫିକ୍ସ୍ଡ ବ୍ୟାଟେରୀ ମୋଟର ମିଳେ । ଏଥିରେ ଅନେକ ରାଇଡିଂ ମୋଡ୍ସ ମିଳୁଛି । ଗାଡିରେ ୩୫ ଲିଟର ବୁଟ୍ ଷ୍ଟୋରେଜ୍ ରହିଛି । ସ୍କୁଟରରେ ୭ ଇଞ୍ଚର ଟଚସ୍କ୍ରିନ୍ ଡ୍ୟାଶବୋର୍ଡ, ୫ଜି ଇ-ସିମ୍, ବ୍ଲୁଟୁଥ୍ କନେକ୍ଟିଭିଟି ଭଳି ଫିଚର୍ ଦିଆଯାଇଛି । କମ୍ପାନୀ ଏହାର ୪ ପ୍ରକାର ରଙ୍ଗ ଯଥା ବ୍ଲୁ, ଧଳା, କଳା ଓ ଲାଲ୍ ରଙ୍ଗରେ ସ୍କୁଟରକୁ ଉପଲବ୍ଧ କରାଉଛି । ୨୦୨୬ ସୁଦ୍ଧା ଏହାର ୧୫୦ ନୂଆ ଷ୍ଟୋର୍ ଓ ୨୦୦ ସର୍ଭିସ୍ ସେଣ୍ଟର ଖୋଲିବାକୁ ଯୋଜନା ରଖିଛି କମ୍ପାନୀ ।
