ବେଗୁନିଆ : ବେଗୁନିଆ ବ୍ଲକ ଅନ୍ତର୍ଗତ ହଜ ପଞ୍ଚାୟତର ୩୦ରୁ ଊର୍ଦ୍ଧ୍ବ ଆଦିବାସୀ ମହିଳା ଏକତ୍ରିତ ହୋଇ ମଦ ବିରୋଧୀ ଅଭିଯାନରେ ସାମିଲ ହୋଇଛନ୍ତି। ମଦ ଯୋଗୁଁ ସେମାନଙ୍କର ହସ ଖୁସିର ସଂସାର ଉଜୁଡି ଯାଉଥିବାରୁ ସେମାନେ ଏକତ୍ରିତ ହୋଇ ଏ ଅଞ୍ଚଳରେ ମଦ ବେପାର କରାଇଦେବେ ନାହିଁ ବୋଲି ଶପଥ ନେଇଛନ୍ତି। କିନ୍ତୁ ସିକୋ ଫାଣ୍ଡି ପୁଲିସ ମଦ ବେପାରୀଙ୍କଠାରୁ ମାସିକିଆ ବଟି ନେଉଥିବାରୁ ସେମାନଙ୍କୁ ସାହାଯ୍ୟ କରିବା ପରିବର୍ତେ ସେମାନଙ୍କ ରାସ୍ତାରେ ପ୍ରତିବନ୍ଧକ ହୋଇ ଠିଆ ହେଉଛି ବୋଲି ମହିଳାମାନେ କହିଛନ୍ତି। ଆଜି ସମ୍ପୃକ୍ତ ମହିଳାମାନେ ଜଣେ ମଦବେପାରୀଙ୍କ ଘରେ ଚଢ଼ାଉ କରି ୫ ଲିଟର ଦେଶୀ ମଦ ଜବତ କରିବା ସମୟରେ ବେପାରୀଜଣକ କୌଶଳକ୍ରମେ ସେଠାରୁ ଛୁ ମାରିଥିଲା। ମହିଳାମାନେ ସେହି ମଦକୁ ଧରି ସିକୋ ଫାଣ୍ଡିରେ ପହଞ୍ଚି ସମ୍ପୃକ୍ତ ବେପାରୀଙ୍କ ବିରୁଦ୍ଧରେ ଅଭିଯୋଗ କରିବା ସହିତ ଜବତ କରିଥିବା ମଦ ୫ ଲିଟର ଫାଣ୍ଡି ବାବୁଙ୍କ ଜିମା ଦେଇଥିଲେ। କିନ୍ତୁ ଫାଣ୍ଡି ବାବୁ ଏହି ଘଟଣାରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିବା ପରିବର୍ତେ ମହିଳାମାନେ ଚଢ଼ାଉ କରି ଆଣିଥିବା ମଦକୁ ସେ ଜବତ କରିପାରିବେ ନାହିଁ ଏବଂ ମଦ ବେପାରୀଙ୍କୁ ଧରି ତାଙ୍କୁ ଖବର ଦେବା ପାଇଁ କହିଥିଲେ। ତେଣୁ ରକ୍ଷକ ଯଦି ଭକ୍ଷକ ହେବ କାହାକୁ ଗୁହାରି କରି ମଦ ବିରୋଧୀ ଅଭିଯାନକୁ ଚାଲୁ ରଖିବେ ବୋଲି ମହିଳାମାନେ ପ୍ରଶ୍ନ କରିଛନ୍ତି।
Popular Categories
Previous article
Next article