ନୂଆଦିଲ୍ଲୀ : ମଧ୍ୟପ୍ରଦେଶର ଝାବୁଆ ଜିଲାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଅବୈଧ ସମ୍ପର୍କ ପାଇଁ ଜଣେ ମହିଳାଙ୍କୁ କଠୋର ଦଣ୍ଡ ଭୋଗିବାକୁ ପଡିଛି । ଅନ୍ୟ ଜଣେ ପୁରୁଷଙ୍କ ସହ ମହିଳାଙ୍କ ପ୍ରେମ ସମ୍ପର୍କ ଥିବା ଜଣାପଡିଲା ପରେ ପଞ୍ଚାୟତରେ ଏହି ମାମଲାର ଶୁଣାଣି ହୋଇଥିଲା । ଅଭିଯୁକ୍ତ ମହିଳା ଜଣଙ୍କ ତାଙ୍କ ସ୍ବାମୀଙ୍କୁ କାନ୍ଧରେ ବୋହି ପୁରା ଗାଁ ଚାଲିବେ ବୋଲି ପଞ୍ଚାୟତରେ ଦଣ୍ଡ ବିଧାନ ହୋଇଥିଲା। ଫଳରେ ମହିଳା ଜଣଙ୍କ ସ୍ବାମୀଙ୍କୁ କାନ୍ଧରେ ବୋହି ଗାଁ ସାରା ଚାଲି ଚାଲି ଯାଉଥିବା ଦୃଶ୍ୟ ଦେଖିବାକୁ ମିଳିଛି । ଏହି ସମୟରେ ଗ୍ରାମବାସୀମାନେ ନାଚକୁଦ କରି ଯାଉଥିବା ମଧ୍ୟ ଦେଖିବାକୁ ମିଳିଛି । ଯେତେବେଳେ ମହିଳା ଜଣଙ୍କ ଥକି ପଡୁଥିଲେ ସେତେବେଳେ ଗ୍ରାମବାସୀମାନେ ତାଙ୍କୁ ମାଡ ମାରିବା ସହ ଖରାପ ଭାଷାରେ ଗାଳି ଗୁଲଜ ମଧ୍ୟ କରୁଥିଲେ । ଏହି ଭିଡିଓ ଭାଇରାଲ ହେବା ପରେ ପୁଲିସ ନିଜ ଆଡୁ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଏହି ମାମଲାରେ ପୁଲିସ ଦୁଇ ଜଣଙ୍କୁ ଗିରଫ କରିଥିବା ଜଣାପଡିଛି ।
Popular Categories
Previous article
Next article