ନୂଆଦିଲ୍ଲୀ: ପାକିସ୍ତାନ ବିରୋଧରେ ନିର୍ଣ୍ଣାୟକ ଲଢେଇରେ ସବୁ ବିକଳ୍ପର ବ୍ୟବହାର କରାଯିବ ବୋଲି କେନ୍ଦ୍ର ଅର୍ଥ ମନ୍ତ୍ରୀ ଅରୁଣ ଜେଟଲୀ କହିଛନ୍ତି। ସେ କହିଛନ୍ତି ପୁଲୱମା ଆତଙ୍କବାଦୀ ଆକ୍ରମଣ ପାଇଁ ଦାୟୀ ପାକିସ୍ତାନକୁ ଦୃଢ଼ ଜବାବ ଦିଆଯିବ। ପାକିସ୍ତାନକୁ ଏକ କପଟୀ ରାଷ୍ଟ୍ର ରୂପେ ବର୍ଣନା କରି ଶ୍ରୀ ଜେଟଲୀ କହିଛନ୍ତି ଯେ ପାକିସ୍ତାନ ଆତଙ୍କବାଦୀଙ୍କ ବିରୁଦ୍ଧରେ କୌଣସି ପଦକ୍ଷେପ ନେଉନାହିଁ ବରଂ ଆତଙ୍କୀ ଗୋଷ୍ଠୀ ନିଜେ ଆକ୍ରମଣ କରିଥିବା ସ୍ୱୀକାର କରୁଛନ୍ତି। ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କ ବକ୍ତବ୍ୟ ସମ୍ପର୍କରେ ଶ୍ରୀ ଜେଟଲୀ କହିଛନ୍ତି, ଯେତେବେଳେ ଆକ୍ରମଣକାରୀ ପାକିସ୍ତାନରେ ରହି ନିଜକୁ ପୁଲୱମା ଆତଙ୍କବାଦୀ ଆକ୍ରମଣ ପାଇଁ ଦାୟୀ ବୋଲି ଘୋଷଣା କରୁଛି, ସେତେବେଳେ ଆଉ କି ପ୍ରମାଣ ଦରକାର। ନୂଆଦିଲ୍ଲୀରେ ଅନୁଷ୍ଠିତ ବିଶ୍ୱ ବ୍ୟବସାୟୀକ ଶିଖର ବୈଠକକୁ ଉଦବୋଧନ ଦେବା ଅବସରରେ ଶ୍ରୀ ଜେଟଲୀ କହିଛନ୍ତି, ଭାରତ ଏବେ କ୍ଷୁବ୍ଧ ଅଛି।
Popular Categories
Previous article
Next article