ୱେଷ୍ଟଇଣ୍ଡିଜ୍-ଭାରତ ପ୍ରଥମ ଟେଷ୍ଟ : ୩୧୨/୨ରୁ ୩ୟ ଦିନର ଖେଳ ଆରମ୍ଭ କରିବ ଭାରତ
ରୁସୌ : ୱେଷ୍ଟଇଣ୍ଡିଜ୍ ବିପକ୍ଷରେ ଭାରତୀୟ ଦଳ ଚଳିତ ପ୍ରଥମ ଟେଷ୍ଟମ୍ୟାଚ୍ରେ ପ୍ରାଧାନ୍ୟ ବିସ୍ତାର କରିଛି । ଶୁକ୍ରବାର ମ୍ୟାଚର ତୃତୀୟ ଦିନ ସୁଦ୍ଧା ଭାରତ ୧୬୨ରନ ଅଗ୍ରଣୀ ଲାଭ କରିଛି । ଆଜି ଭାରତ ୩୧୨/୨ରୁ ଖେଳ ଆରମ୍ଭ କରିବ । ଗୁରୁବାର ୨ୟ ଦିନରେ ଭାରତୀୟ ଦଳ ମ୍ୟାଚ୍କୁ ନିୟନ୍ତ୍ରଣକୁ ନେଇପାରିଛି । ଦୁଇ ଭାରତୀୟ ଓପ୍ନର ରୋହିତ ଶର୍ମା ଓ ଯଶସ୍ବୀ ଜୟସୱାଲ ଶତକ ଅର୍ଜନ କରିଛନ୍ତି । ଫଳରେ ଭାରତ ପ୍ରଥମ ଇନିଂସରେ ବଡ଼ ସ୍କୋର୍ କରିବା ନିଶ୍ଚିତ ହୋଇଯାଇଛି । ୨ୟ ଦିନର ଖେଳ ଶେଷ ସୁଦ୍ଧା ଭାରତ ପ୍ରଥମ ଇନିଂସରେ ୨ ୱିକେଟ ହରାଇ ୩୧୨ରନ୍ କରିଛି । ୮ ୱିକେଟ୍ ହାତରେ ଥାଇ ଭାରତ ୧୬୨ ରନ୍ ଆଗରେ ରହିଛି ।
ୱେଷ୍ଟଇଣ୍ଡିଜ୍ ପ୍ରଥମ ଇନିଂସରେ ୧୫୦ ରନ୍କରି ଅଲ୍ଆଉଟ୍ ହୋଇ ଯାଇଥିଲା। ଭାରତ ପ୍ରଥମ ଇନିଂସରେ ପ୍ରଥମ ଦିନ ଶେଷରେ ବିନା ୱିକେଟରେ ୮୦ ରନ୍ କରିଥିଲା । ୨ୟ ଦିନରେ ଦୁଇ ଓପ୍ନର ରୋହିତ ଶର୍ମା ଓ ଯଶସ୍ବୀ ଜୟସୱାଲ ସେମାନଙ୍କ ମାରାଥନ୍ ଭାଗିଦାରୀ ଜାରି ରଖିଥିଲେ। ୭୦ତମ ଓଭରରେ ୨୧୫ତମ ବଲ୍ରେ ୧୧ଟି ଚୌକା ସହ ବାମହାତି ଜୟସୱାଲ ଶତକ ପୂରଣ କରିଥିଲେ। ରୋହିତ ୧୦ମ ଟେଷ୍ଟ ଶତକ ପୂରଣ କରିବା ପରେ ଆଉଟ୍ ହୋଇଥିଲେ । ରୋହିତ ୨ଟି ଛକା ଓ ୧୦ଟି ଚୌକା ସହ ୧୦୩ ରନ୍ କରିଥିଲେ। ଶୁବ୍ମାନ ଗିଲ୍ ୬ ରନ୍କରି ବିଦାୟ ନେଇିଲେ। ଯଶସ୍ବୀ ଜୟସୱାଲ ୧୪୩ ଓ ବିରାଟ କୋହଲି ୩୬ ରନ୍ କରି ଅପରାଜିତ ରହିଛନ୍ତି।
Comments are closed.