କଳାହାଣ୍ଡି : କଳାହାଣ୍ଡି ଜିଲାର ଗୋଲାମୁଣ୍ଡା ଥାନା ଏଏସଆଇ ରାଜ କପୁର ବେହେରା ରବିବାର ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି। ଏକ ଜମିଜମା ମାମଲାରେ ଅଭିଯୁକ୍ତମାନଙ୍କୁ ଗିରଫ ନକରିବା ପାଇଁ ୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ତାଙ୍କୁ ଗିରଫ କରିଛି।
ସୂଚନା ଅନୁସାରେ, କିଛିଦିନ ତଳେ ଡୁମକେଲ ଗ୍ରାମର ତ୍ରିନାଥ ନାଏକ ନାମକ ଜଣେ ବ୍ୟକ୍ତିକୁ ଏକ ଜମିଜମା ମାମଲାରେ ପୁଲିସ ଗିରଫ କରିଥିଲା। ଏହାପରେ ସେ ଜାମିନରେ ଆସିବା ପରେ ଉକ୍ତ ଘଟଣାରେ ନିଜ ପରିବାରର ଅନ୍ୟ ଅଭିଯୁକ୍ତମାନଙ୍କୁ ଗିରଫ ନ କରିବା ପାଇଁ ରାଜ କପୁରଙ୍କ ସହ କଥାବାର୍ତ୍ତା କରିଥିଲା। ଏଥିପାଇଁ ରାଜ କପୁର ତାଙ୍କୁ ୨୦ ହଜାର ଟଙ୍କା ଲାଞ୍ଚ ମାଗିଥିଲେ। ପୂର୍ବରୁ ସେ ୭ ହଜାର ଟଙ୍କା ନେଇଥିଲେ ଏବଂ ଆଜି ୧୦ ହଜାର ଟଙ୍କା ନେଉଥିବା ବେଳେ କଳାହାଣ୍ଡି ଭିଜିଲାନ୍ସ ଦ୍ୱାରା ଧରାପଡ଼ି ଗିରଫ ହୋଇଛନ୍ତି।
