ରାଜ୍ୟସ୍ତରୀୟ ଉସୁ ପ୍ରତିଯୋଗିତା : କେନ୍ଦୁଝର ଦଳଗତ ଚମ୍ପିଆନ

ଭୁବନେଶ୍ୱର : ଭୁବନେଶ୍ବର ଉସୁ ଆସୋସିଏସନ ଆନୁକୂଲ୍ୟରେ ଏଠାରେ ଚାଲିଥିବା ଦୁଇଦିନିଆ ରାଜ୍ୟସ୍ତରୀୟ ଉସୁ ପ୍ରତିେଯାଗିତା ରବିବାର ଉଦଯାପିତ ହୋଇଯାଇଛି। ପ୍ରତିେଯାଗିତାରେ କେନ୍ଦୁଝର ଦଳ ୨୬ ସ୍ବର୍ଣ୍ଣ, ୨ ରୌପ୍ୟ ଓ ୫ଟି କାଂସ୍ୟ ପଦକ ହାସଲ କରି ଦଳଗତ ଚମ୍ପିଆନ ହୋଇଛି। ଖୋର୍ଦ୍ଧା ଦଳ ୧୯ସ୍ବର୍ଣ୍ଣ, ୧୬ ରୌପ୍ୟ ଓ ୧୫ଟି କାଂସ୍ୟ ପଦକ ହାସଲ କରି ଦ୍ବିତୀୟ ସ୍ଥାନ ହାସଲ କରିଥିଲା ବେଳେ ସୁନ୍ଦରଗଡ ୧୧ ସ୍ବର୍ଣ୍ଣ, ୧୭ ରୌପ୍ୟ ଓ ୩ଟି କାଂସ୍ୟ ପଦକ ହାସଲ କରି ତୃତୀୟ ସ୍ଥାନ ହାସଲ କରିଛି । ବିଭିନ୍ନ ବର୍ଗରେ ଶ୍ରେଷ୍ଠ ଫାଇଟର ଭାବେ ଶ୍ବେତାରାଣୀ, ସଦାଶିବ ଓରାମ, ଆଶୁେତାଷ ମହାରଣା ଓ ନୁପୂର ପଟ୍ଟନାୟକଙ୍କୁ ପୁରସ୍କୃତ କରାଯାଇଥିଲା। ପ୍ରତିେଯାଗିତାରେ ୨୧ଟି ଜିଲାରୁ ୩୨୦ଜଣ ପ୍ରତିେଯାଗୀ ଅଂଶଗ୍ରହଣ କରିଥିଲାବେଳେ ୪୦ଜଣ କର୍ମକର୍ତ୍ତା ଯୋଗ ଦେଇଥିଲେ। ଉଦଯାପନୀ ସମାରୋହରେ ମୁଖ୍ୟ ଅତିଥି ଭାବେ ଶିଶୁ ସୁରକ୍ଷା ଆୟାଗ ଅଧ୍ୟକ୍ଷା ସନ୍ଧ୍ୟାବତୀ ପ୍ରଧାନ ଯୋଗ ଦେଇଥିଲାବେଳେ ଅନ୍ୟତମ ଅତିଥି ଭାବେ ଭୁବନେଶ୍ବର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଯୋଗ ଦେଇଥିଲେ।
ଅନ୍ୟମାନଙ୍କ ମଧ୍ୟରେ ଉସୁ ଆେସାସିଏସନ ସଭାପତି ଏସ.ଏସ. ହରିଚନ୍ଦନ, ଉପସଭାପତି ବିକାଶ ପଟ୍ଟନାୟକ, ସମାଜସେବୀ ଯଜ୍ଞାଶୀଷ ମହାପାତ୍ର, ଅଲ ଓଡିଶା କିକ ବକ୍ସିଂ ଆେସାସିଏସନ ସଭାପତି ଶିବାନନ୍ଦ ରାୟ, ସ୍ଥାନୀୟ କର୍ପୋରେଟର ପୁଷ୍ପା ରାଉତ, ମନୋଜ ଶୁକ୍ଳା ପ୍ରମୁଖ ଯୋଗ ଦେଇଥିଲେ।

Comments are closed.