ନୂଆଦିଲ୍ଲୀ: ବଢ଼ୁଛି ଯୁଦ୍ଧ ଆଶଙ୍କା, ୟୁକ୍ରେନକୁ ସେନା ପଠାଇଲା ଋଷ । ୟୁକ୍ରେନ ଓ ଋଷ ମଧ୍ୟରେ ଧୀରେ ଧୀରେ ତିକ୍ତତା ବଢ଼ିବାରେ ଲାଗିଛି । ଏହି ସମୟରେ ୟୁକ୍ରେନର ଦୁଇଟି ଅଞ୍ଚଳ ତଥା ଡୋନେସ୍କ ଓ ଲୁଗନସ୍କକୁ ସ୍ବତନ୍ତ୍ରତା ଦେଶ ପୁତିନ ଘୋଷଣା କରିଛନ୍ତି । ତାହା ସହ ପୁତିନ ଏହି ଦୁଇ ଅଞ୍ଚଳକୁ ସେନା ପଠାଇବାକୁ ନିର୍ଦ୍ଦେଶ ଦେଇଛନ୍ତି । ରାଷ୍ଟ୍ରପତିଙ୍କ ଏହି ନିର୍ଦ୍ଦେଶ ଯୋଗୁ ଯୁଦ୍ଧ ହେବାର ସମ୍ଭାବନା ରହିଛି । ଏହାକୁ ନେଇ ଆମେରିକା ମଧ୍ୟ ତାର ପକ୍ଷ ରଖିଛି । ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ପ୍ରଶାସନ ଘୋଷଣା କରିଛନ୍ତି କି ଏହାର ଜବାବ ଦିଆଯିବ ।
ୟୁକ୍ରେନର ରାଷ୍ଟ୍ରପତି ଏନେଇ ମଧ୍ୟ ତାଙ୍କର ବିବୃତି ରଖିଛନ୍ତି । ସେ କହିଛନ୍ତି ୟୁକ୍ରେନ କାହାକୁ ଭୟକରେ ନାହିଁ । ଆମେ ଆମ ସ୍ଥାନ କାହାକୁ ଦେବାକୁ ଚାହୁଁନାହୁଁ । ଆମେ ଆମ ସ୍ଥାନରେ ଠିକ୍ ଅଛୁ । ଆମେ କାହା ନିକଟରେ ଋଣୀ ନୁହେଁ । ଆମର ସମ୍ପୂର୍ଣ୍ଣ ଆତ୍ମବିଶ୍ବାସ ରହିଛି । ଋଷର ଏହି ପଦକ୍ଷେପ ୟୁକ୍ରେନର ଜାତୀୟ ଅଖଣ୍ଡତା ଉଲ୍ଲଂଘନ କରୁଛି । ଋଷର ଆକ୍ରମଣର ସଙ୍କେତ ମଧ୍ୟରେ ସେ ଏହି ବିବୃତ୍ତି ଦେଇଛନ୍ତି।
