ଗୋପାଳପୁର : ଗୋପାଳପୁରକୁ ପରିବାର ସହ ବୁଲିବାକୁ ଆସିଥିବା ଜଣେ ବୃଦ୍ଧ ପର୍ଯ୍ୟଟକଙ୍କ ହୃଦଘାତରେ ମୃତ୍ୟୁ ହୋଇଥିବା ନେଇ ଥାନାରେ ମାମଲା ରୁଜୁ ହୋଇଛି । ମୃତ ବୃଦ୍ଧ ଜଣକ ହେଲେ ଦିଲ୍ଲୀ ସ୍ଥିତ ମୟୁର ବିହାରର ରାକେଶ କୁମାର ବୟସ ୭୬ ବୋଲି ପୁଲିସ କହିଛି । ସୂଚନା ପ୍ରକାରେ ରାକେଶ କୁମାର, ପତ୍ନୀ ଓ ଝିଅଙ୍କ ସହ ଚଳିତ ମାସ ୧ ତାରିଖରେ ଗୋପାଳପୁର ବୁଲିବାକୁ ଆସି ପାନ୍ଥନିବାସରେ ରହିଥିଲେ । ୩ ତାରିଖ ଦିନ ମଧ୍ୟ ରାତ୍ର ସମୟରେ ତାଙ୍କର ନିଶ୍ୱାସ ପ୍ରଶ୍ୱାସ ନେବାରେ ବାଧା ସୃଷ୍ଟି ହେବାରୁ ତାଙ୍କୁ ଚିକିତ୍ସା ନିମନ୍ତେ ବ୍ରହ୍ମପୁର ବଡ଼ ମେଡିକାଲ ନେଇଥିଲେ । ସେଠାରେ ଚିକିତ୍ସାଧିନ ଅବସ୍ଥାରେ ପ୍ରାୟ ସାଢେ ଦୁଇଟା ସମୟରେ ଡାକ୍ତର ମୃତ୍ୟୁ ଘୋଷଣା କରିଥିବା ନେଇ ତାଙ୍କ ଝିଅ ଶୁଭ୍ରା ମାଥୁର ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ପୁଲିସ କେସ ନମ୍ବର ୨/୨୫ ଅପମୃତ ମାମଲା ରୁଜୁ କରି ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିବା ବେଳେ ପୁରୀ ସ୍ୱର୍ଗଦ୍ୱାରରେ ଶେଷକୃତ ସମ୍ପର୍ଣ୍ଣ ହୋଇଥିବା ପୁଲିସ କହିଛି ।
Popular Categories
Previous article
Next article