ନୂଆଦିଲ୍ଲୀ : ମଧ୍ୟପ୍ରଦେଶର ପନ୍ନା ଜିଲାରେ ବାଘ ଆକ୍ରମଣର ଏକ ଭିଡିଓ ଏବେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ବାଘ ପ୍ରଥମେ ଛେଳି ଚରାଉଥିବା ଜଣେ ନାବାଳକ ଉପରେ ଆକ୍ରମଣ କରିବାରୁ ସେ ଗୁରୁତର ଆହତ ହୋଇଥିଲା । ଏହାପରେ ବାଘ ଏକ ବଳଦ ଉପରେ ମଧ୍ୟ ଆକ୍ରମଣ କରିଥିଲା । ସେହି ସମୟରେ ଏହି ଭିଡିଓ ରେକର୍ଡ କରାଯାଇଛି । ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି ।
Panna Video: बकरी चराने गए 10 साल के मासूम पर बाघ ने किया हमला, बैल को भी किया घायल pic.twitter.com/hD1e2gVfks
— Shyam Sundar Goyal (@ssgoyalat) January 14, 2025
ଜଙ୍ଗଲରେ ୧୦ ବର୍ଷର ନାବାଳକ ଲୋକେନ୍ଦ୍ର ଛେଳି ଚରାଇବା ପାଇଁ ଯାଇଥିଲା । ସେହି ସମୟରେ ବୁଦା ମୂଳରେ ଲୁଚି ବସିଥିବା ବାଘ ନାବାଳକ ଉପରେ ଆକ୍ରମଣ କରିଥିଲା । ଲୋକେନ୍ଦ୍ର ଚିତ୍କାର କରିବା ମାତ୍ରେ ତାଙ୍କ ଭାଉଜ ଆସି ବାରମ୍ବାର ପଥର ମାରିବା କାରଣରୁ ବାଘ ତାଙ୍କୁ ଛାଡି ଦେଇଥିଲା । ନାବାଳକଙ୍କୁ ତୁରନ୍ତ ଉଦ୍ଧାର କରାଯାଇ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଏହାପରେ ବନ ବିଭାଗକୁ ଏନେଇ ସୂଚନା ଦିଆଯାଇଥିଲା । ପରେ ଜଣାପଡିଥିଲା ବାଘ ସେଠାରେ ଏକ ବଳଦ ଉପରେ ମଧ୍ୟ ଆକ୍ରମଣ କରିଛି । ସୋମବାରର ଏହି ଘଟଣା ବୋଲି ବନ ବିଭାଗ କହିଛି । ଘଟଣାସ୍ଥଳରେ ନିକଟବର୍ତ୍ତି ଅଞ୍ଚଳରେ ବାଘକୁ ତଲାସି ଜାରି ରଖିବା ସହ ଅଞ୍ଚଳବାସୀଙ୍କୁ ଭୟଭୀତ ନହେବାକୁ ବନ ବିଭାଗ କହିଛି।
୨୭ ବର୍ଷ ପରେ ଗୁରୁଙ୍କ ନକ୍ଷତ୍ରରେ ଶନି ଚଳନ; ଏହି ୩ ରାଶି ହେବେ ମାଲାମାଲ୍, ଭାଗ୍ୟଶାଳୀ..
ମିଳିଥିବା ସୂଚନାନୁଯାୟୀ, ମଧ୍ୟପ୍ରଦେଶର ପନ୍ନା ବ୍ୟାଘ୍ର ରିଜର୍ଭର ସୀମାକୁ ଲାଗିକି ଥିବା ଗାଁରେ ବାଘ ପାଇଁ ଅଧିକାଂଶ ସମୟରେ ଲୋକେ ଭୟଭୀତ ହୋଇ ରହିଥାନ୍ତି । ଏଠାରେ ବାଘଙ୍କ ସଂଖ୍ୟା ବୃଦ୍ଧି ପାଇଥିବା ଜଣାପଡିଛି । ସନ୍ଧ୍ୟା ହେବା ମାତ୍ରେ ଲୋକେ ଭୟରେ ଘରୁ ବାହାରୁ ନାହାଁନ୍ତି । ଅଧିକାଂଶ ସମୟରେ ଲୋକେ ବାଘ ଆକ୍ରମଣର ଶିକାର ହେଉଛନ୍ତି ।
