ଜେଇଇ ଏବଂ ଏନ୍ଇଇଟି ସିଲାବସ୍ ୨୦୨୧ ବର୍ଷ ଅପରିବର୍ତ୍ତିତ ରହିବ। ତେବେ ପୂର୍ବ ବର୍ଷ ତୁଳନାରେ ଚଳିତ ବର୍ଷ ଛାତ୍ରଛାତ୍ରୀମାନେ ଜେଇଇ ଏବଂ ଏନ୍ଇଇଟି ପରୀକ୍ଷାରେ ପ୍ରଶ୍ନର ଉତ୍ତର ଦେବାରେ ବିକଳ୍ପ ପାଇବେ। ୨୦୨୧ ମୁଖ୍ୟ ପରୀକ୍ଷା ପାଇଁ ଜେଇଇ ସିଲାବସ୍ ପୂର୍ବବର୍ଷ ଭଳି ସମାନ ରହିବ। କିନ୍ତୁ ଛାତ୍ରଛାତ୍ରୀମାନେ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ ଓ ଗଣିତରେ ୩୦ଟି କରି ୯୦ଟି ପ୍ରଶ୍ନ ମଧ୍ୟରୁ ଯେକୌଣସି ୭୫ଟି ପ୍ରଶ୍ନର ଉତ୍ତର ଦେବାର ସୁଯୋଗ ପାଇବେ। ୨୦୨୦ରେ ଅନୁଷ୍ଠିତ ଜେଇଇ ମୁଖ୍ୟ ପରୀକ୍ଷାରେ ମୋଟ୍ ୭୫ଟି ପ୍ରଶ୍ନ ରହିଥିଲା ଏବଂ ଛାତ୍ରଛାତ୍ରୀମାନଙ୍କୁ ସମସ୍ତ ପ୍ରଶ୍ନର ଉତ୍ତର ଦେବାକୁ ପଡ଼ିଥିଲା।
୨୦୨୧ ଏନ୍ଇଇଟି (ୟୁଜି) ପ୍ରଶ୍ନପତ୍ରର ପ୍ରକୃତ ନମୂନା ଏପର୍ଯ୍ୟନ୍ତ ଘୋଷଣା ହୋଇନାହିଁ। କିନ୍ତୁ ଦେଶର କେତେକ ବୋର୍ଡର ସିଲାବସ ହ୍ରାସକୁ ଦୃଷ୍ଟିରେ ରଖି ଏନ୍ଇଇଟି (ୟୁଜି) ୨୦୨୧ର ପ୍ରଶ୍ନପତ୍ରରେ ଜେଇଇ ମୁଖ୍ୟ ଭଳି ବ୍ୟବସ୍ଥା ରହିପାରେ।
