ବୌଦ୍ଧ : ବୌଦ୍ଧ ବ୍ଲକ ଅନ୍ତର୍ଗତ ତେଲିବନ୍ଧ କ୍ଲଷ୍ଟରର କମ୍ପରା ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଶିକ୍ଷୟିତ୍ରୀମାନଙ୍କୁ ନେଇ ଏକ କର୍ମଶାଳା ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟଅତିଥି ଭାବେ ଗୋଷ୍ଠୀ ଶିକ୍ଷା ଅଧରକାରୀ ଧୃବଚରଣ ଘିବେଲା ଯୋଗଦାନ କରି ବିଦ୍ୟାଳୟର ପରିବେଶକୁ ସୁରକ୍ଷା, ଛାତ୍ରଛାତ୍ରୀମାନଙ୍କୁ ଭଲ ଶିକ୍ଷାଦାନ କରିବା, ବଗିଚା ସୃଷ୍ଟି କରିବା ଏବଂ ସମସ୍ତ କର୍ମଚାରୀଙ୍କ ମଧ୍ୟରେ ସୁସଂପର୍କ ରକ୍ଷା କରିବା ପାଇଁ ପରାମର୍ଶ ପ୍ରଦାନ କରିଥିଲେ। ସମ୍ମାନୀତ ଅତିଥିଭାବେ ଏବିଇଓ କମଳାକାନ୍ତ ଦଳବେହେରା ଯୋଗଦେଇ ଶିକ୍ଷକ ଶିକ୍ଷୟିତ୍ରୀମାନଙ୍କ ଗୁରୁତ୍ୱପୁର୍ଣ୍ଣ ଭୂମିକା ମସଂପର୍କରେ ଆଲୋକପାତ କରିଥିଲେ। ସିଆର୍ସିସି ରାଜ କୁମାର ପ୍ରଧାନ କର୍ମଶାଳାକୁ ପରିଚାଳନା କରିଥିଲେ। ପଦୋନ୍ନତି ପାଇଥିବା ଶିକ୍ଷକ ଶିବ ପ୍ରଧାନ, ସନତ୍ କୁମାର ପ୍ରଧାନ, ସୁଶିଲ କୁମାର ପରିଡା, ଚମ୍ପେଶ୍ୱର ମିଶ୍ର, ନରେନ୍ଦ୍ର କୁମାର ସାହୁ, ଯାଜ୍ଞସେନୀ ନାୟକ ଓ ହାଡିବନ୍ଧୁ ମିର୍ଦ୍ଧାଙ୍କୁ ଉପଢୌକନ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା। ଶେଷରେ ଶିକ୍ଷକ ଗିରୀଶ ମେହେର ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article