ନୂଆଦିଲ୍ଲୀ: ଦେଶର ସର୍ବୋଚ୍ଚ ଅଦାଲତ ଫ୍ୟୁଚର ରିଟେଲ ଏବଂ ଆମାଜନ ମଧ୍ୟରେ ଚାଲିଥିବା ବିବାଦ ପ୍ରସଙ୍ଗରେ ସିଙ୍ଗାପୁର ଆର୍ବିଟ୍ରେସନ ଦେଇଥିବା ରାୟକୁ କାଏମ ରଖିଛନ୍ତି। ସିଙ୍ଗାପୁର ଅଦାଲତ ଦେଇଥିବା ରାୟ ଭାରତୀୟ ଆଇନ ଅନୁଯାୟୀ ବୈଧ ବୋଲି ସୁପ୍ରିମକୋର୍ଟ କହିଛନ୍ତି। ଏହା ଆମାଜନ ପାଇଁ ବୃହତ ବିଜୟ ହୋଇଥିବାବେଳେ ଫ୍ୟୁଚର ଗ୍ରୁପ ଏବଂ ରିଲାଏନ୍ସ ରିଟେଲ ମଧ୍ୟରେ ହୋଇଥିବା ଚୁକ୍ତିକୁ ଶକ୍ତ ଧକ୍କା ହୋଇଛି। ସୂଚନାଯୋଗ୍ୟ ଯେ ଫ୍ୟୁଚର ଗ୍ରୁପ୍ର ଖୁଚୁରା ବ୍ୟବସାୟକୁ ୨୪,୭୩୧ କୋଟି ଟଙ୍କାରେ ଖରିଦ କରିବାକୁ ରିଲାଏନ୍ସ ରିଟେଲ ସହିତ ଏକ ଚୁକ୍ତି ହୋଇଥିଲା। ତେବେ ଫ୍ୟୁଚର ଗ୍ରୁପ୍ ପୂର୍ବରୁ ଏଥିପାଇଁ ଆମାଜନ ସହିତ ଚୁକ୍ତି କରିଥିବାରୁ ଆମାଜନ ଏହାକୁ ବିରୋଧ କରି ସିଙ୍ଗାପୁର ଆର୍ବିଟ୍ରେସନ ଅଦାଲତରେ ଯାଚିକା ଦାଏର କରିଥିଲା। ସିଙ୍ଗାପୁର ଅଦାଲତ ଆମାଜନ ସପକ୍ଷରେ ରାୟ ଦେଇଥିଲେ।
Popular Categories
Previous article
Next article