ବେଙ୍ଗାଲୁରୁ: ଦୃଷ୍ଟିବାଧିତଙ୍କ ନିମନ୍ତେ ସ୍ବତନ୍ତ୍ର ସମ୍ବିଧାନ ପୁସ୍ତିିକାକୁ ଉନ୍ମୋଚନ କରାଯାଇଛି। ବ୍ରେଲି ଫର୍ମାଟରେ ପ୍ରସ୍ତୁତ ଏହି ପୁସ୍ତିକାକୁ କର୍ଣ୍ଣାଟକ ରାଜ୍ୟପାଳ ତୱରଚାନ୍ଦ ଗେହଲତ୍ ସୋମବାର ଉନ୍ମୋଚନ କରିଛନ୍ତି। ବେଙ୍ଗାଲୁରୁସ୍ଥିତ ଶଙ୍କର ନେତ୍ରାଳୟ ଏବଂ ସିଆଇଆଇ ୟଙ୍ଗ ଇଣ୍ଡିଆନ୍ସର ମିଳିତ ଉଦ୍ୟମରେ ଏଭଳି ସ୍ବତନ୍ତ୍ର ପୁସ୍ତିକା ପ୍ରସ୍ତୁତ କରାଯାଇଛି। ଯେଉଁ ବ୍ୟକ୍ତି ସମ୍ପୂର୍ଣ୍ଣ ଭାବେ ଦୃଷ୍ଟିବାଧିତ କିମ୍ବା ଯେଉଁମାନଙ୍କର ଦୃଷ୍ଟିଶକ୍ତି ଅତ୍ୟନ୍ତ ଦୁର୍ବଳ, ସେଭଳି ବ୍ୟକ୍ତି ଏହି ପୁସ୍ତିକା ପାଠ କରି ସେମାନଙ୍କର ସାମ୍ବିଧାନିକ ଅଧିକାର ସମ୍ପର୍କରେ ଅବଗତ ହୋଇପାରିବେ ବୋଲି ଶଙ୍କର ନେତ୍ରାଳୟର ବରିଷ୍ଠ ପଦାଧିକାରୀ ଡା. କୌଶିକ ମୁରଲୀ କହିଛନ୍ତି। ଦୃଷ୍ଟିବାଧିତଙ୍କୁ ବଣ୍ଟନ ଉଦ୍ଦେଶ୍ୟରେ ଏଭଳି ପୁସ୍ତିକାକୁ ବିଭିନ୍ନ ଗୁରୁତ୍ବପୂର୍ଣ୍ଣ ସଂଗଠନଗୁଡିକୁ ଯୋଗାଇ ଦିଆଯାଇଛି।
Comments are closed.