ବିବାହ ପରେ ସୋନମ୍ କପୁର କିଛି ଦିନ ସ୍ବାମୀ ଆନନ୍ଦ ଆହୁଜାଙ୍କ ସହ ବିଦେଶ ଭ୍ରମଣ କରିବା ପରେ ଏବେ ପୁଣି କ୍ୟାରିୟର ମନସ୍କ ହୋଇଛନ୍ତି। ଏବେ ସେ ଆଗାମୀ ଚଳଚ୍ଚିତ୍ର ‘ଏକ ଲଡକୀ କୋ..’ ଓ ‘ଜୋୟା ଫ୍ୟାକ୍ଟର’ର ସୁଟିଂ କାମରେ ଖୁବ୍ ବ୍ୟସ୍ତ। ତେବେ ସେ ସ୍ପଷ୍ଟ କରିଛନ୍ତି ଯେ ଆସନ୍ତା ବର୍ଷ ଆରମ୍ଭରେ ଦୁଇଟି ଚଳଚ୍ଚିତ୍ରରେ ନିର୍ଦେଶନା ଦେବା ଯୋଜନାରେ ଅଛନ୍ତି। ଏଥିପାଇଁ ପ୍ରାକ୍-ପ୍ରସ୍ତୁତି ମଧ୍ୟ ସୋନମ୍ କରିସାରିଲେଣି। ଦୁଇଟି ଉପନ୍ୟାସର କାହାଣୀ ଅନୁସାରେ ହିଁ ଚଳଚ୍ଚିତ୍ର ନିର୍ମାଣ ହେବ ବୋଲି ପ୍ରକାଶ। ଏ ବାବଦରେ ସୋନମ୍ କହିଛନ୍ତି ରାଜମୌଲୀଙ୍କ ବାହୁବଳୀ ଦେଖିବା ପରେ ଭାରତୀୟ ଦର୍ଶକଙ୍କ ଚିନ୍ତାଧାରା ଅନେକାଂଶରେ ପରିବର୍ତ୍ତନ ହୋଇଛି। ଏଣୁ ସେ ବାହୁବଳୀର ସୁଟିଂ ଷ୍ଟାଇଲ୍କୁ ଅନୁକରଣ କରିପାରନ୍ତି। ଦକ୍ଷିଣ ସିନେଜଗତର ସଙ୍ଗୀତ ସହ ସୁଟିଂର ସୋନମ୍ ଖୁବ୍ ପ୍ରଶଂସା କରିଛନ୍ତି। ତାଙ୍କର ଏଇ ପ୍ରଥମ ପଦକ୍ଷେପରେ ବାପା ଅନିଲ କପୁର ଓ ବଡ଼ବାପା ବୋନି କପୁର ପୂର୍ଣ୍ଣ ସମର୍ଥନ କରିବେ ବୋଲି ଜଣାପଡ଼ିଛି।
